सरकारकडे पैसेच शिल्लक नाही. अनेक योजनांची कामे त्यामुळे ठप्प पडली आहेत, अशी टीका राष्ट्रवादी कॉंग्रेस शरद पवार गटाचे आमदार रोहित पवार यांनी केली आहे. महायुती सरकारची महत्वाकांक्षी योजना समजली गेलेली मुख्यमंत्री लाडकी बहीण योजनेवरून होत असलेल्या आर्थि
.
रोहित पवार म्हणाले, सरकारकडे पैसेच शिल्लक नाही. अनेक योजनांची कामे त्यामुळे ठप्प पडली आहेत. या सरकारने लोकांना हवेत बरीच स्वप्न दाखवली. ती आता यांना पूर्ण करता येत नाही, त्यामुळे याला संपूर्ण सरकार जबाबदार आहे, अशा शब्दांत रोहित पवारांनी सरकारवर टीका केली आहे. दरम्यान, लाडकी बहीण योजनेवर मंत्री संजय शिरसाट यांनी देखील टीका केली आहे. याचाच धागा पकडत रोहित पवारांनी सरकारवर निशाणा साधला आहे.
रोहित पवार म्हणाले, अनेक योजनांची कामे ठप्प पडली आहेत. आज संजय शिरसाट बोलले उद्या अनेक मंत्री बोलतील. या सरकारमध्ये ताळमेळ नाही. यापूर्वी मुख्यमंत्री देवेंद्र फडणवीस एक वक्तव्य करायचे आणि उपमुख्यमंत्री एकनाथ शिंदे एक वक्तव्य करायचे. त्यामुळे त्यांच्यात वाद असल्याचे समोर आले होते. आता एक मंत्री दुसऱ्या मंत्र्यांबद्दल बोलत आहेत तर त्यांच्यात वाद आहे, असं आपण समजू शकतो. म्हणजे या सरकारमध्ये केवळ वादच आहेत. परंतु यावेळी बोलताना रोहित पवारांनी अर्थखाते किंवा अर्थमंत्री अजित पवार यांच्याविषयी बोलणे टाळल्याचे दिसून आले आहे.
काय म्हणाले होते संजय शिरसाट?
सामाजिक न्याय मंत्री संजय शिरसाट यांनी अर्थ खात्यावर उघडपणे नाराजी व्यक्त केली आहे. अर्थखाते आपली मनमानी चालवत आहे. तसेच लाडक्या बहिणीसाठी सव्वाचारशे कोटी रुपये वर्ग करण्यात आल्याची मला कल्पना नाही. सामाजिक खात्याची आवश्यकता नसेल तर खाते बंद केले तरी चालेल, असे म्हणत शिरसाट यांनी नाराजी व्यक्त केली होती.
लाडकी बहीण योजनेसाठी माझ्या खात्याचा निधी वळवला आहे. मी अनेकदा सांगितले आहे की असे करता येत नाही पण तरीही निधी वळवण्यात आला आहे. जवळपास सव्वा चारशे कोटी रुपये वर्ग करण्यात आले असून याची मला काहीच कल्पना नाही. सामाजिक न्याय खात हे दलित वर्गासाठी आहे, पहिलाच निधी अपूर्ण पडत आहे. मी वारंवार सांगत आहे की माझ्या खात्याचा निधी वर्ग करता येत नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
