पत्रिकेवर कुणाचे नाव टाकून त्यांना बोलावायला आमचा काळी संघाचा दसरा मेळावा नाही, ज्या गोष्टी परंपरेने करायच्या आहेत त्या आम्ही करु. आमची एक परंपरा आहे तिचे आम्ही पालन करु ती व्यासपीठावर सुद्धा असते, असे ठाकरे गटाचे खासदार संजय राऊत यांनी म्हटले आहे. त
.
संजय राऊत म्हणाले की, उबाठाच्या दसरा मेळाव्यासाठी राज ठाकरे येणार अशी चर्चा होत असेल तर ती चांगली चर्चा आहे. यात व्यथित व्हावे असे काही नाही. उद्धव ठाकरे-राज ठाकरे हे दोघे बंधू एकत्र आले आहेत आणि चर्चा करत आहेत. एकमेकांशी संवाद साधत आहेत, दसऱ्याला वैचारिक सोन्याचे आदानप्रदान सुद्धा होऊ शकते असे म्हणत राऊत यांनी सूचक वक्तव्य केले आहे.
..म्हणजे शेतकऱ्यांची थट्टा
संजय राऊत म्हणाले की, आजच्या कॅबिनेट बैठकीमध्ये मदतीचे निकष बदलणे गरजेचे आहे. हा दुष्काळच आहे, तो ओला आहे का सुका आम्हाला माहिती नाही. शेतकऱ्यांचे पीक जमिनीसह नष्ट होते आणि पुढले 3 ते 4 वर्षे ते कोणत्याही परिस्थितीमध्ये पीक घेऊ शकत नाही अशा परिस्थितीमध्ये तो दुष्काळ आहे. दुष्काळाचे निकष लावले पाहिजे. शेतकरी तात्काळ मदतीच्या प्रतीक्षेमध्ये आहे. ज्यांची घरे वाहून गेली आहेत त्यांना 5 ते 10 हजार रुपयांची मदत ही थट्टा आहे. हेक्टरी 50 हजार रुपयांची मदत शेतकऱ्यांना गरजेची आहे. त्यानंतर शेतजमीन पूर्ववत करण्यासाठी जी मदत लागेल ती देण्याची सरकारची मानसिकता मला राज्याच्या मुख्यमंत्र्यांची दिसून येत नाही. कर्जवसुलीसाठी जो दट्टा लावला जात आहे तो थांबवला जाऊ शकतो, या सर्व बँक सहकारी बँक आहेत मुख्यमंत्री त्यांना आदेश देऊ शकतात.
घोटाळेबाज मंत्र्यांकडून वसुली करा
संजय राऊत म्हणाले की, सहकारी बँकेत जर पैसे नसतील तर ज्या ज्या कॅबिनेट मंत्र्यांनी सहकारी बँकेत घोटाळे केले असतील कोणी 70 हजार कोटी कोणी 10 हजार कोटी रुपये त्यांच्याकडून ते वसूल केले पाहिजे. तुमच्या कॅबिनेटमधील लोकांना आधी नोटीस पाठवा मग शेतकऱ्यांना नोटीस पाठवा असे राऊत यांनी म्हटले आहे. विशेष अधिवेशन बोलवून निर्णय घ्यावा अशी मागणी उद्धव ठाकरे यांनी मराठवाड्याच्या दौऱ्यावर असताना केली आहे.
हा देश हिंदूंचा
संजय राऊत म्हणाले की, मराठवाड्यातील पूर परिस्थितीमध्ये सरकारच्या मदतीचा आणि कार्यपद्धतीचा बोजवारा उडालेला आहे. त्यामुळे भाजपच्या उपकंपन्या कडून राज्यात दंगली घडवण्याचा, धार्मिक तेढ निर्माण करण्याचा प्रयत्न केला जात आहे. राज्यात पूरपरिस्थिती बिकट आहे त्यावर चर्चा करत असताना त्यावरुन लक्ष विचलित करण्यासाठी, सरकारचे अपयश दिसून येऊ नये म्हणून दंगलीसारखे प्रकार घडवले जात आहे. दंगली घडवणारे कोण आहेत, जे यापूर्वी कॉग्रेस किंवा राष्ट्रवादीचे पुढारी होते ते आज भाजपचा टिळा लावून फिरत आहेत. हे बाडगे हिंदुत्व आहे. ते अहिल्या नगरमध्ये दंगली घडवत आहेत. हा देश हिंदूंचा आहे, देशामध्ये हिंदुत्ववाद प्रभावीपणे राहणार हे आम्ही सांगत आहोत. काल अहिल्या नगरमध्ये दंगली घडवणाऱ्यांनी भारत-पाकिस्तान मॅचला विरोध केला नाही. पाकिस्तानी खेळाडूंनी त्यांचे मानधन तिथल्या दहशतवादी संघटनेला दिले आहे. या गोष्टीला विरोध करण्याची हिंमत यांच्यात नाही. अनेक गोष्टी चर्चेतून सुटू शकतात पण प्रशासनाला प्रश्न सोडवू नका स्थिती गंभीर होऊ द्यात असे आदेश देण्यात आले आहेत असा आरोप राऊत यांनी केला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
