एकाच कुटुंबातील चौघांनी विष प्राशन केल्याची धक्कादायक घटना कवठेमहांकाळ तालुक्यातील नांगोळे गावात घडली. यात सासू-सुनेचा मृत्यू झाला असून, दोन पुरुषांची प्रकृती चिंताजनक आहे. प्राथमिक माहितीनुसार, जादूटोणा च्या संशया तून हा प्रकार घडला असावा, अशी माहित
.
पाटील कुटुंबाच्या घरात ही घटना रविवारी पहाटेच्या सुमारास घडली. रमेजा अल्लाउद्दीन पाटील (वय 45) आणि काजल समीर पाटील (वय 30) यांचा मृत्यू झाला आहे. अल्लाउद्दीन मकबूल पाटील आणि समीर अल्लाउद्दीन पाटील यांना उपचारासाठी मिरज च्या शासकीय रुग्णालयात दाखल करण्यात आलं आहे.
घरात आढळले चार ग्लास, विषाची बाटली आणि सूरी
ढाल गाव रस्त्यालगत पाटील कुटुंब राहतं. रविवारी सकाळी घरातील वयोवृद्ध महिलेने घरात चार जण निपचित पडल्याचे पाहून आरडाओरडा केला. शेजाऱ्यांनी धाव घेतली आणि पोलिसांना माहिती दिली. पोलिसांनी तपास केला असता, घटनास्थळी चार वापरलेले ग्लास, अर्धवट कापलेला लिंबू, एक सूरी आणि जनावरांसाठी वापरलं जाणारं विषारी औषध सापडलं.
दोन चिमुकले मात्र सुखरूप
समीर पाटील यांना दोन मुले आहेत. एक सहा वर्षांचा आणि दुसरा सहा महिन्यांचा. सुदैवाने ही दोन्ही मुले या घटनेतून सुखरूप बचावली आहेत. त्यांना सध्या नातेवाईकांच्या देखरेखीखाली ठेवण्यात आलं आहे.
जादूटोणा च्या भीती खाली होते कुटुंब?
गेल्या काही दिवसांपासून या कुटुंबावर जादूटोणा ची शंका असल्याने मानसिक तणाव होता, अशी माहिती शेजाऱ्यांनी दिली. याच भीतीतून विष प्राशनाचा निर्णय घेतला असावा, असा प्राथमिक अंदाज पोलिसांनी वर्तवला आहे. घटनास्थळी उपविभागीय पोलिस अधिकारी सुनील साळुंखे आणि पोलिस निरीक्षक जोतीराम पाटील यांनी भेट देऊन पाहणी केली. या प्रकरणी पुढील तपास कवठेमहांकाळ पोलीस करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
