साताऱ्यातील शिवथर गावात भर दुपारी घरात एकटी असलेल्या 25 वर्षीय विवाहितेची गळा चिरून निर्घृण हत्या करण्यात आल्याची धक्कादायक घटना उघडकीस आली आहे. पूजा प्रथमेश जाधव असे मयत विवाहितेचे नाव असून, या प्रकरणात पोलिसांनी गावातीलच 28 वर्षीय संशयित युवकाला ता
.
घरात एकटी होती पूजा
सोमवारी दुपारी पूजा जाधव घरी एकटी होती. तिचे पती प्रथमेश जाधव मुलाला शाळेत सोडून कामावर गेले होते, तर सासू-सासरे शेतात गेले होते. घराचे सर्व दरवाजे उघडे असल्याने शेजारी राहणाऱ्या एका आजीनं घरात डोकावलं असता रक्ताच्या थारोळ्यात विवाहितेचा मृतदेह दिसून आला. त्यांनी तत्काळ आरडाओरडा करत शेजाऱ्यांना बोलावलं.
गावात खळबळ, पोलिसांची तत्काळ धाव
घटनेची माहिती मिळताच साताऱ्याचे डीवायएसपी राजीव नवले, सहाय्यक पोलिस निरीक्षक मोर्डे, महसूल अधिकारी विशाल पवार आणि श्वान पथक तातडीने घटनास्थळी पोहोचले. पंचनामा करून मृतदेह क्रांतिसिंह नाना पाटील जिल्हा रुग्णालयात शवविच्छेदनासाठी पाठवण्यात आला.
प्रेमात नकार मिळाल्याने केला खून?
या प्रकरणी पोलिसांनी शिवथर येथीलच 28 वर्षीय तरुणाला ताब्यात घेतले असून, प्राथमिक तपासात या तरुणाचे विवाहितेशी एकतर्फी प्रेमसंबंध होते. तिच्याकडून प्रेमास नकार मिळाल्याने संशयिताने संतापातून घरात घुसून तिच्या गळ्यावर धारदार शस्त्राने वार करून हत्या केल्याचा पोलिसांचा प्राथमिक अंदाज आहे.
गुन्हा लवकर उघडकीस येईल
पोलिस उपअधीक्षक राजीव नवले यांनी सांगितले की, संशयित ताब्यात आहे. प्रेमातून खून झाल्याचं निष्पन्न होतंय. लवकरच गुन्हा उघडकीस आणला जाईल. सध्या पोलिसांकडून अधिक चौकशी सुरू असून, गुन्ह्याच्या तपशीलांचा शोध घेतला जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
