हिंगोली तालुक्यातील दाटेगाव येथे रस्ता रुंदीकरणाच्या कामासाठी पाहणी करण्यास गेलेल्या सार्वजनिक बांधकाम विभागाच्या कनिष्ठ अभियंता शिवीगाळ करून सरकारी कामात अडथळा आणल्याची घटना सोमवार तारीख 31 घडली आहे. याप्रकरणी हिंगोली ग्रामीण पोलिस ठाण्यात गुन्हा दा
.
पोलिसांनी दिलेल्या माहितीनुसार सार्वजनिक बांधकाम विभागाच्या वतीने लोहगाव ते दाटेगाव या रस्त्याच्या रुंदीकरणाचे काम सुरू आहे. सार्वजनिक बांधकाम विभागाचे कनिष्ठ अभियंता अभिषेक बुटोले यांच्या मार्गदर्शनाखाली सदरील काम सुरू आहे. मागील काही दिवसापासून या कामाला सुरुवात झाली असून रुंदीकरण केले जात आहे.
दरम्यान कनिष्ठ अभियंता बुटोले हे सकाळी साडेअकरा वाजण्याच्या सुमारास काम पाहण्यासाठी गेले होते. यावेळी दाटेगाव येथील विठ्ठल माने यांनी त्या ठिकाणी येऊन बुटोले यांना काम कसे काय सुरू केले? काम तातडीने बंद करा, असे म्हणत काम बंद करण्यासाठी भाग पाडले. त्यानंतर कुठले यांना शिवीगाळ करून अडथळा आणला. याप्रकरणी बुटोले यांनी हिंगोली ग्रामीण पोलिस ठाण्यात सायंकाळी उशिरा तक्रार दाखल केली. यावरून पोलिसांनी विठ्ठल माने याच्याविरुद्ध सरकारी कामात अडथळा आणल्या प्रकरणी गुन्हा दाखल करण्यात आला आहे. त्यानंतर हिंगोली ग्रामीण पोलिस ठाण्याचे पोलिस निरीक्षक शामराव डोंगरे, उपनिरीक्षक श्रीदेवी वग्गे, जमादार सुधीर ढेंबरे, आकाश पंडितकर, रमेश जाधव यांच्या पथकाने घटनास्थळी भेट देऊन पाहणी केली. पोलिसांनी आरोपीचा शोध सुरू केला असून त्यासाठी उपनिरीक्षक श्रीदेवी वग्गे यांचे पथक रवाना करण्यात आले आहे. तर दुसरीकडे गुन्हा दाखल होतात आरोपी फरार झाल्याचे पोलिस विभागाच्या सूत्राने सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
