सिंधुदुर्ग जिल्ह्यात देवगड तालुक्यातील नारिंग्रे परिसरात एक अत्यंत हृदयद्रावक घटना घडली आहे. भरधाव वेगात असलेल्या रिक्षाने समोरून येणाऱ्या एसटी बसला धडक दिल्याने झालेल्या भीषण अपघात झाला. या अपघातात चौघांचा जागीच मृत्यू झाला असून एक जण गंभीर जखमी झाल
.
मिळालेल्या माहितीनुसार, ही घटना शुक्रवार रोजी दुपारी विजयदुर्ग-मालवण मार्गावर घडली. मालवणकडे येणाऱ्या एसटी बसला समोरून भरधाव वेगात आलेली रिक्षा जोरदार धडकली. अपघात इतका भीषण होता की, रिक्षाचा अक्षरशः चुराडा झाला. अपघातात रिक्षातील चार जणांचा मृत्यू झाला असून, एक जण गंभीर जखमी झाला आहे. जखमीला जवळच्या रुग्णालयात दाखल करण्यात आले आहे.
मृतांमध्ये मालवण तालुक्यातील आचरा येथील रिक्षा व्यावसायिकांचा समावेश आहे. संकेत सदानंद घाडी (वय 35, आचरा वरचीवाडी), संतोष रामजी गावकर (वय 35, आचरा गाऊडवाडी), रोहन मोहन नाईक (वय 35, आचरा गाऊडवाडी) आणि सोनू कोळंबकर (वय 45, आचरा पिरावाडी) अशी अपघातातील मृतांची नावे आहेत. तर रघुनाथ बिनसाळे हे गंभीर जखमी झाले आहेत. त्यांना पुढील उपचारासाठी गोवा येथील बांभुळी रुग्णालयात हलवण्यात आले आहे. रिक्षाचालकासह प्रवासी मद्यधुंद अवस्थेत
घटनेची माहिती मिळताच स्थानिक नागरिकांनी घटनास्थळी धाव घेतली. यानंतर पोलिसांना या अपघाताची माहिती देण्यात आली. रिक्षा चालकासह प्रवासी मद्यधुंद अवस्थेत होते, अशी प्राथमिक माहिती आहे. रिक्षा चालकाचे रिक्षावरील नियंत्रण सुटल्याने हा अपघात घडल्याची माहिती समोर आली आहे.
कल्याण डंपरखाली आल्याने दुचाकीस्वाराचा मृत्यू
दरम्यान दुसरीकडे कल्याण -पुणे लिंक रोडवर देखील एक अपघात घडला आहे. डंपरच्या चाकाखाली येऊन दुचाकीस्वाराचा मृत्यू झाला आहे, तर एक जण जखमी आहे. विजय नगर परिसरात डंपरला ओव्हरटेक करताना दुचाकीने रस्त्याच्या कडेला उभ्या असलेल्या सिलिंडरच्या गाडीला धडक दिल्यामुळे हा अपघात घडला.
हे ही वाचा…
बाणेर येथे डंपरच्या धडकेत तरुणीचा मृत्यू:चालकाने अपघात करून पळ काढला; मैत्रिणीसह दुचाकीवरून जात होती तरुणी
बाणेर परिसरात गणेश दत्त मंदिर चौक येथून ज्युपिटर हॉस्पिटलकडे जाणारा रस्त्यावरुन दुचाकीवरून जात असलेल्या एका तरुणीला भरधाव वेगाने जाणाऱ्या डंपरने धडक दिल्याने तरुणीचा दुर्देवीरित्या मृत्यू झाल्याचा प्रकार घडला आहे. तेजल प्रकाश तायडे (वय- 27,रा. तलासरी,ठाणे) असे मयत झालेल्या तरुणीचे नाव आहे. पूर्ण बातमी वाचा…
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
