Sinhagad Fort Foreign Tourist Abusive Video: छत्रपती शिवाजी महाराजांचे शौर्य आणि पराक्रमक सातासमुद्रा पार पोहचला आहे. त्यामुळे महाराजांच्या मावळ्यांनी लढवलेले किल्ले पाहण्यासाठी परदेशातून नागरिक येतात. मात्र मराठी भाषिक किंवा भारतामधील इतर भाषा येत नसलेल्या पर्यटकांना आपल्या महाराष्ट्रतील काही तरुण पुण्याजवळील सिंहगड किल्ल्याला भेट देण्यास आलेल्या परदेशी पर्यटकाला मराठीत शिव्या द्यायला शिकवत असल्याचा एक व्हिडिओ सध्या सोशल मीडियावर व्हयरल होत आहे. हा व्हिडीओ पाहून संताप व्यक्त केला जात असतानाच या असा प्रकरणांमुळे महाराष्ट्रच्या अस्मितेला धक्का पोहचत असून राज्याच्या शौर्यशाली इतिहालाला कलंक लावण्याचा काम काही मथेफिरू तरुण करत असल्याची टीका होत आहे. हे प्रकरण चर्चेत असतानाच आता पुणे पोलिसांनी या प्रकरणामध्ये कारवाई केली आहे.
नेमकं घडलं काय?
सिंहगाडाला भेट देण्यासाठी आलेल्या कॅनडियन पर्यटकाला मराठी शिव्या शिकवल्याप्रकरणी पुणे ग्रामीण पोलिसांनी गुन्हा दाखल केला आहे. व्हिडीओत दिसणाऱ्या टवाळखोरांचा शोध पोलिसांनी सुरु केला आहे. कॅनडामधून आलेल्या पर्यटकाला सिंहगड किल्ल्यावर टवाळखोरांनी मराठीमधून शिव्या द्यायला शिकवले होते. याप्रकरणाचा याच पर्यटकाने काढलेला व्हिडिओ सोशल मीडियावर व्हायरल झाला. कॅनडामधून आलेला पर्यटक सिंहगड किल्ल्यावर फिरत असताना त्याला काही स्थानिक मराठी तरुण भेटले. या तरुणांनी त्या परदेशी पर्यटकाला अश्लील भाषेत शिव्या द्यायला शिकवल्या. तसेच मराठी शिवी समोरुन येणाऱ्या व्यक्तीला दे. आम्ही जे शब्द म्हणालाय सांगतोय ते एकमेकांना भेटण्यानंतर अभिवादन करण्यासाठी वापरतात, असा अर्थ या मुलांनी परदेशी पर्यटकाला सांगितलं.
मी पुन्हा इथे येणार नाही
या तरुणीने त्याला सांगितल्याप्रमाणे एकाला बोलूनही दाखवलं. मात्र त्यानंतर मराठी तरुण जोरजोरात हसू लागल्याने आपण बोलत असलेले शब्द अपशब्द असून आपलं काहीतरी चुकत असल्याचं त्या परदेशी पर्यटकाला वाटलं आणि तो तिथून निघून गेला. या पर्यटकाने आपल्याला चुकीचं बोलायला सांगितलं जात आहे असं म्हणत, “येथे पुन्हा येणार नाही,” असा उल्लेख करुन गड उतरुन गेल्याचं व्हायरल व्हिडीओत दिसून आलं.
पोलिसांनी केली कारवाई
याप्रकरणी सोशल मीडियावर संताप व्यक्त होताना पाहायला मिळत आहे. याबाबत आता पुणे ग्रामीण पोलिसांकडून संबंधित तरुणांवर भारतीय न्याय संहिता कलम 49, कलम 302 आणि कलम 352 अन्वये गुन्हा दाखल केला आहे. सध्या पोलिस या प्रकरणामध्ये व्हिडीओत दिसणाऱ्या तरुणांचा शोध घेत आहे.
काय कारवाई होते हे पाहणं महत्त्वाचं
अतिथी देवभवो ही आपल्या महाराष्ट्रची संस्कृती सांगते पण आपल्याच राज्यातील तरुणांनी परदेशी पर्यटकांना छत्रपती शिवाजी महाराजांचा इतिहास सांगण्याऐवजी त्याचा शिवीगाळ करण्यास भाग पाडलं, अशी खंत व्यक्त केली जात आहे. हा व्हिडिओ खासदार ओमराजे निंबाळकर यांच्या कार्यकर्त्यांनी एक्स वर पोस्ट केला आहे. या व्हिडिओमध्ये दिणाऱ्या तरुणांव गुन्हा दाखल करण्यात आल्यानंतर कायद्यानुसार कारवाई होते का हे पाहणं आता महत्त्वाचं ठरणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
