छत्रपती संभाजीनगर शहर विकासाच्या नव्या वळणावर येत आहे. मोठ्या प्रमाणात उद्योग येत असल्याने शहर दुसऱ्या औद्योगिक क्रांतीकडे वाटचाल करत आहे. या पार्श्वभूमीवर सीएमआयएने उद्योजकांना प्रोत्साहन देण्यासाठी पुरस्कारांची घोषणा केली आहे.
.
सीएमआयए अवॉर्ड्स 2025 साठी अंतिम फेरीतील सादरीकरण प्रक्रिया पूर्ण झाली आहे. मराठवाड्यातील लघु, मध्यम आणि मोठ्या उत्पादन क्षेत्रातील कंपन्यांना हे पुरस्कार दिले जाणार आहेत. पुरस्कारांच्या मूल्यांकनासाठी प्रख्यात अर्थतज्ज्ञ डॉ. नरेंद्र जाधव, टाटा कंपनीचे माजी व्यवस्थापक टी.आर. डूंगाजी, प्रथम एज्युकेशन फाऊंडेशनच्या सीईओ रुक्मिणी बॅनर्जी आणि पद्मश्री लिला पुनावाला यांची नियुक्ती करण्यात आली आहे.
डॉ. नरेंद्र जाधव यांनी शहराच्या विकासाबद्दल बोलताना सांगितले की मराठवाड्याच्या मागासलेपणाचा शिक्का आता पुसला जात आहे. डूंगाजी यांनी पायाभूत सुविधांच्या विकासासोबत ऐतिहासिक वारसा जपण्याचे आवाहन केले. डॉ. बॅनर्जी यांनी दर्जेदार शैक्षणिक संस्था आणि आरोग्य सुविधांवर भर देण्याची गरज व्यक्त केली.
सीएमआयएचे अध्यक्ष अर्पित सावे यांनी सांगितले की या पुरस्कारांसाठी शंभर उद्योजकांनी अर्ज केले आहेत. मनजीत प्राईड ग्रुपचे संचालक नितीन बगाडिया यांनी वाढत्या औद्योगिक गुंतवणुकीच्या पार्श्वभूमीवर रिंग रोडची आवश्यकता असल्याचे नमूद केले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
