सेनगाव पोलिस ठाण्यांतर्गत एका गावात अल्पवयीन मुलीचा पाठलाग करून मी तुझ्यावर प्रेम करतो असे म्हणत मुलीचा विनयभंग करून तिच्या कुटुंबियांना जिवे मारण्याची धमकी देणाऱ्या एका तरुणावर रविवारी ता. १३ रात्री उशीरा गुन्हा दाखल झाला आहे. पोलिसांनी तातडीने आरोप
.
सेनगाव पोलिस ठाण्यांतर्गत एका गावात अल्पवयीन मुलगी तिच्या मामाच्या घरी शिक्षणासाठी राहते. तिचे आई, वडिल दुसऱ्या गावाला कामाला असल्यामुळे ती मागील काही वर्षापासून मामाकडेच राहते. सदर मुलगी शिक्षणासाठी व खरेदीसाठी जात असतांना शुभम वाघमारे नावाचा तरुण तिचा पाठलाग करीत होता. मात्र त्या मुलीने त्याच्याकडे दुर्लक्ष केले.
दरम्यान, सदर मुलगी बाहेर जात असतांना शुभम याने तिचा पाठलाग करून मी तुझ्यावर प्रेम करतो, मला तुझ्यासोबत लग्न करायचे आहे असे म्हटले. या प्रकारामुळे ती मुलगी घाबरून गेली. सदर प्रकार तिने तिच्या कुटुंबियांना सांगितला. त्यानंतर तिच्या कुटुंबियांनी शुभम याच्या घरी जाऊन त्याला समजाऊन सांगण्याचा प्रयत्न केला असता त्याने मुलीच्या कुटुंबियांना जिवे मारण्याची धमकी दिली.
यामुळे घाबरलेल्या मुलीच्या कुटुंबियांनी रविवारी ता. १३ रात्री थेट सेनगाव पोलिस ठाणे गाठून तक्रार दाखल केली. यावरून पोलिसांनी शुभम वाघमारे याच्या विरुध्द पोक्सो कायद्यांतर्गत गुन्हा दाखल केला आहे. घटनेचे गांभीर्य लक्षात घेऊन पोलिस निरीक्षक शालीनी नाईक, उपनिरीक्षक एम. जी. सोनकांबळे, जमादार सुभाष चव्हाण यांच्या पथकाने रात्रीच शुभम यास ताब्यात घेतले आहे. त्याची अधिक चौकशी केली जात असल्याचे पोलिसांनी सांगितले. उपनिरीक्षक सोनकांबळे पुढील तपास करीत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
