वसमत येथे बँकेच्या एटीएम कार्डद्वारे पैसे काढून देण्याच्या बहाण्याने भामट्याने एटीएम कार्डची आदला बदल करून सेवानिवृत्त मुख्याध्यापकाच्या बँक खात्यातून ४० हजार रुपये काढून फसवणूक केल्याचा प्रकार घडला आहे. या प्रकरणी वसमत शहर पोलिस ठाण्यात सोमवारी ता.
.
पोलिसांनी दिलेल्या माहितीनुसार, वसमत येथील सेवानिवृत्त मुख्याध्यापक सखाराम आझादे हे ता. १ जून रोजी दुपारी एक वाजण्याच्या सुमारास आसेगाव कॉर्नर येथील भारतीय स्टेट बँकेच्या एटीएमवर पैसे काढण्यासाठी गेले होते. यावेळी चोरट्यांने त्यांचा पाठलाग करून एटीएममधे त्यांच्या मागेच उभा राहिला. यावेळी आझादे यांनी माझ्या एटीएम मधून पैसे काढून दे असे पाठीमागील तरुणाला म्हटले. याचा गैरफायदा घेत त्या चोरट्याने त्यांचे एटीएमकार्ड मशीन मध्ये टाकून चुकीचा पीन टाकला. त्यामुळे पैसे काढता आले नाही. सदर प्रकारानंतर त्याने पैसे निघत नसल्याचे सांगत त्यांना बनावट एटीएम कार्ड दिले व त्यांचे एटीएम कार्ड स्वतःकडे ठेऊन घेतले.
दरम्यान, आझादे यांनी त्यांना देण्यात आलेल्या एटीएम कार्डची शहानिशा न करताच ते एटीएम कार्ड खिशात टाकून निघून गेले. त्यानंतर दोन दिवसांतच चोरट्याने त्यांचे एटीएम कार्ड वापरून वेगवेगळ्या एटीएम केंद्रावर जाऊन एकूण ४० हजार रुपयांची रक्कम काढली. सदर रक्कम काढण्यात आल्याचा संदेश त्यांना आज मिळाला.त्यामुळे त्यांनी बँकेत जाऊन चौकशी केली असता रक्कम काढल्याचे दिसून आले. त्यानंतर त्यांनी एटीएम कार्ड तपासले असता ते एटीएम कार्ड बनावट निघाले.
दरम्यान, आपली फसवणूक झाल्याचे लक्षात येताच त्यांनी तातडीने वसमत शहर पोलिस ठाणे गाठून तक्रार दाखल केली. यावरून पोलिसांनी एका चोरट्याविरुध्द गुन्हा दाखल केला आहे. वसमत शहर पोलिस ठाण्याचे सहाय्यक पोलिस निरीक्षक बालाजी महाजन, उपनिरीक्षक साहेबराव कसबेवाड, जमादार शेख नय्यर, जाधव, प्रशांत मुंढे यांच्या पथकाने घटनास्थळी भेट देऊन पाहणी केली. पोलिसांनी बँकेकडे सीसीटीव्ही फुटेजची मागणी केली असून त्यावरून चोरट्याचा शोध घेतला जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
