गोरगरिबांना भरपेट जेवण देण्यासाठी सरकारच्या वतीने शिवभोजन थाळी योजना राबवली जात आहे. पण, त्यात अनुदान लाटण्यासाठी बोगस नोंदी करण्याचे प्रकार सर्रास सुरू आहेत. सध्या सप्टेंबर महिन्यातील बिले केंद्रचालकांना अदा करण्याचे काम सुरू आहे. त्यात शहरातील 20 क
.
सोलापूर शहरात सध्या 20 ठिकाणी शिवभोजन थाळी केंद्रे सुरू आहेत. त्यांना दररोज 2350 थाळींचे उद्दिष्ट देण्यात आले आहे. पण, अनुदान लाटण्यासाठी काही केंद्रचालकांकडून दुबार नावे दाखवून बोगस बिले उचलण्याचा प्रयत्न होत आहे. प्रशासनाने केलेल्या ऑडिटमध्ये दुबार नावांसह, अस्पष्ट असलेले फोटो, दुबार फोटो आणि दुपारी 2 नंतरही थाळी दिल्याचे दाखवून बिले कार्यालयाकडे सादर केल्याचा प्रकार उघडकीस आला आहे.
सप्टेंबरनंतरची 75 लाख रुपयांची बिले अडकली
सध्या प्रशासनाकडून सप्टेंबर महिन्यातील बिले केंद्रांना अदा करण्याचे काम सुरू आहे. दरमहा 25 लाख रुपयांची बिले शहरातील 20 केंद्रांना दिली जातात. सध्या जून, जुलै महिन्यातील बिले अदा करण्यात आली आहेत. सप्टेंबरपासूनची 75 लाख रुपयांची बिले शासनाकडे निधी नसल्याने अडकली आहेत.
पुन्हा दुबार फोटोची बिले आले तर दंडात्मक कारवाई
शहरातील केंद्रचालकांकडून शिवभोजन थाळींची बिले आमच्या कार्यालयाकडे सादर करताना त्यात अस्पष्ट फोटो, दुबार फोटो जोडली जात असल्याचे आढळून आले आहे. शासन निर्णयानुसार अटी व शर्थींचे पालन करण्याच्या सूचना त्यांना करण्यात आल्या आहेत. शिवाय केंद्रांवर पुरवण्यात येणाऱ्या अन्नपदार्थांचा दर्जाही सुधारण्याच्या सूचना केल्या आहेत. तपासणीत दुबार फोटो, नावे असलेल्या थाळींचे बिले नाकारली जात आहेत. पुन्हा पुन्हा जर दुबार फोटो जोडलेली बिले सादर होत असतील तर संबंधित केंद्रांवर दंडात्मक कारवाई करण्याच्या सूचना दिल्या आहेत. ओंकार पडोळे, उपजिल्हाधिकारी.
या केंद्रांना नोटिसा
- अर्जुन माळी, कुमारस्वामी नगर, शेळगी
- हॉटेल अन्नपूर्णा भारत,न्यू पाच्छा पेठ
- हॉटेल जय गणेश, मौलाली चौक
- हॉटेल प्रीतम, आश्विनी हॉस्पिटल
- हॉटेल साईतीर्थ, बसस्थानक
- हॉटेल सिध्देश्वर, बुधवार पेठ
- हॉटेल शिवभोजन, एमआयडीसी
- हॉटेल शिवगंगा, कस्तुरबा मार्केट
- हॉटेल श्रीलक्ष्मी, मराठा वस्ती
- हॉटेल सूर्यकिरण, मार्कंडेय रुग्णालय
- हॉटेल विशाल, शास्त्रीनगर
- महात्मा फुले भोजनालय, साखर पेठ
- राहत स्वयंसंस्था महिला सामाजिक संस्था, आनंद नगर
- रिध्दीसिध्दी स्नॅक्स सेंटर, मार्केट यार्ड
- सह्याद्री भोजनालय, जुना विडी घरकुल
- समता रेस्टॉरंट, घोंगडे वस्ती सावित्रीआई भोजनालय, सदर बझार
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
