राज्यात पुढील काही महिन्यांत होऊ घातलेल्या स्थानिक स्वराज्य संस्थांच्या निवडणुकीच्या पार्श्वभूमीवर महायुतीने आपली रणनीती निश्चित केली आहे. या निवडणुकीसाठी महायुती जिल्हा पातळीवर समन्वय समिती स्थापन करणार असून, यात पालकमंत्री, दोन्ही प्रमुख पक्षांचे न
.
महायुतीची निवडणूक समन्वय रणनीती
महायुतीच्या बैठकीत ठरल्यानुसार, ही जिल्हा समिती पुढील आठ दिवसांत जिल्ह्यातील निवडणुकीच्या सद्यस्थितीचा, महायुतीमधील पक्षांच्या ताकदीचा आणि अंतर्गत वादांचा सविस्तर अहवाल तयार करेल. हा अहवाल जिल्हा समन्वय समिती पुढील आठ दिवसांत राज्य समितीसमोर सादर करेल. ज्या जिल्ह्यांमध्ये महायुती अंतर्गत वाद असतील, त्या ठिकाणचे अंतिम निर्णय महायुतीचे मुख्य नेते घेणार आहेत. राज्य समन्वय समिती सार्वजनिकरित्या तणाव निर्माण होणार नाही याची विशेष काळजी घेणार आहे.
आरक्षण प्रक्रियेतील कायदेशीर स्थिती कायम
स्थानिक स्वराज्य संस्थांच्या प्रभाग रचनेतील आरक्षणासंदर्भात राज्य सरकारने 20 ऑगस्ट 2025 रोजी लागू केलेल्या सुधारित नियमांमधील महाराष्ट्राचा संदर्भ सर्वोच्च न्यायालयाने कायम ठेवला आहे. सर्वोच्च न्यायालयाने आरक्षणाची प्रक्रिया चक्राकार पद्धतीने सुरू ठेवण्याचे आदेश दिले आहेत.
या नियमांविरुद्ध दाखल विविध याचिका सर्वोच्च न्यायालयाने 25 सप्टेंबर 2025 रोजी फेटाळल्या होत्या आणि राज्य सरकारच्या नियमांत हस्तक्षेप करण्यास नकार दिला होता. यानंतर न्यायालयाने केवळ मध्य प्रदेशासंबंधित एक बदल करत, महाराष्ट्राच्या संदर्भातील जुने आदेश कायम ठेवले आहेत.
निवडणुका नोव्हेंबर-डिसेंबरमध्ये अपेक्षित
राज्यात स्थानिक स्वराज्य संस्थांच्या निवडणुका कधी होणार याबद्दल मोठी उत्सुकता असताना, सूत्रांकडून महत्त्वाची माहिती समोर आली आहे. मिळालेल्या माहितीनुसार, महाराष्ट्रात येत्या 15 ते 20 नोव्हेंबर दरम्यान नगरपरिषद निवडणुका होण्याची शक्यता आहे. तर 15 ते 20 डिसेंबर दरम्यान जिल्हा परिषद निवडणुका होऊ शकतात, असा अंदाज वर्तवण्यात येत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
