पुण्यातील स्वारगेट बस स्थानक आणि मेट्रो स्टेशनचा कायापालट होणार आहे. शिवाजीनगर बस स्थानकाच्या धर्तीवर स्वारगेट येथील बस स्थानक आणि मेट्रो स्टेशनचा विकास करण्याचे निर्देश परिवहन राज्यमंत्री माधुरी मिसाळ यांनी दिले आहेत.
.
मंत्रालयात झालेल्या आढावा बैठकीत हा महत्त्वपूर्ण निर्णय घेण्यात आला. उपमुख्यमंत्री तथा पुण्याचे पालकमंत्री अजित पवार आणि परिवहन मंत्री प्रताप सरनाईक यांनी या प्रस्तावाला तत्वतः मान्यता दिली असून संबंधित अधिकाऱ्यांना आठ दिवसांच्या आत सविस्तर प्रस्ताव सादर करण्याचे निर्देश दिले आहेत.
शिवाजीनगर बस स्थानकाप्रमाणेच स्वारगेट येथेही दोन तळघर, चारचाकी वाहनतळ, बस स्थानकाचा तळमजला आणि व्यावसायिक वापरासाठी शॉपिंग मॉल अशा सुविधा प्रस्तावित करण्यात आल्या आहेत. पुणे महामेट्रो आणि महाराष्ट्र राज्य परिवहन महामंडळ यांच्या समन्वयातून हे प्रकल्प राबवला जाणार आहे.
बैठकीला आमदार सिद्धार्थ शिरोळे, असिम गुप्ता, पुणे महामेट्रोचे व्यवस्थापकीय संचालक श्रावण हार्डीकर आणि राज्य परिवहन महामंडळाचे व्यवस्थापकीय संचालक माधव कुसेकर उपस्थित होते. राज्यमंत्री मिसाळ यांनी सर्व सुविधांनी युक्त अशी आधुनिक इमारत लवकरच उभी राहील, अशी ग्वाही दिली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
