मंत्री गिरीश महाजन यांचे प्रफुल्ल लोढासोबतचे फोटो दाखवून त्यांच्यावर हनीट्रॅप झाल्याचा आरोप करणाऱ्या आमदार एकनाथ खडसे यांना त्यांच्याच नेत्यांचे लोढाबरोबरचे फोटो दाखवून यांच्यावरही हनीट्रॅप झाल्याचे म्हणायचे काय, असा प्रश्न महाजन यांनी जाहीरपणे विचार
.
मुंबईतील दोन वेगवेगळ्या पोलिस ठाण्यात पोक्सो आणि बलात्कार, खंडणी प्रकरणात अटकेत असलेल्या प्रफुल्ल लाेढाकडे हनीट्रॅप प्रकरणाचे सर्व व्हिडिओ आहेत, असा दावा राष्ट्रवादी शरद पवार गटाचे आमदार एकनाथ खडसे यांनी केल्यामुळे लोढा पुन्हा चर्चेत आला आहे. यानेच गिरीश महाजन यांची सिडी आपल्याकडे आहे, असे सांगितल्यामुळे खडसे यांनी अनेक दिवस ‘सीडी’ बाहेर काढण्याची भाषा केली होती. मात्र, ती सीडी आजपर्यंत बाहेर आलीच नाही आणि त्यामुळे खडसेंची अडचण झाली होती. लोढाकडे असलेल्या व्हिडिओची विशेष तपास पथक (एसआयटी) नेमून चौकशी करावी, अशी मागणी खडसे यांनी आज केली. एक बटन दाबले की देशात खळबळ माजेल, असे काही त्या व्हिडीओत असल्याचे तो सांगत होता, असा दावाही खडसे यांनी केला आहे.
कोण आहे प्रफुल्ल लोढा?
अनेक वर्षे महाजन यांचा आराेग्यदूत म्हणून त्याने काम पाहिले. २०१९ च्या विधानसभा निवडणुकीपूर्वी त्याने गिरीश महाजनांवर आराेप करायला सुरुवात केली. गिरीश महाजन आणि रामेश्वर नाईक यांच्यापासून जिवाला धाेका असल्याची पाेलिसात तक्रार दिली. त्यानंतर त्याने राष्ट्रवादीमध्ये प्रवेश केला. २०२४ च्या लाेकसभा निवडणुकीत वंचित बहुजन आघाडीने लाेढाला जळगाव मतदारसंघातून उमेदवारी दिली. पण लढण्यास नकार दिला.
दाेन गुन्हे आणि अटक खडसेंवर मानसिक परिणाम
सर्वत्र होणारा पराभव आणि पक्ष प्रवेशाला होणारा विरोध यामुळे खडसे यांचे मानसिक संतुलन बिघडले आहे. त्यांच्याच पक्षाच्या नेत्यांबरोबरही लोढाचे फोटो आहेत, याचेही भान त्यांना राहिलेले नाही. त्यामुळे ते बडबड करीत आहेत. -गिरीश महाजन, मंत्री
दाेन गुन्हे आणि अटक
लोढा विरोधात मुंबईतील साकीनाका पाेलिस ठाण्यात ३ जुलैला पाेस्काे, बलात्कार, खंडणी व फसवणुकीचा गुन्हा दाखल झाला. मुंबईतच ५ जुलै राेजी त्याला अटक केली. तेव्हापासून ताे कारागृहात आहे. त्यानंतर अंधेरी एमआयडीसी पाेलिस ठाण्यात पोस्को, बलात्कार, हनीट्रॅपचा गुन्हा १४ जुलै राेजी दाखल केला आहे. ५ जुलै राेजी त्याच्या जामनेर आणि पहूर येथील घर, दुकानांची तपासणी केली. त्यात एक लाॅपटाॅप, दाेन पेन ड्राईव्हसह काही वस्तू जप्त केल्या.
मंत्री गिरीश महाजन यांनी आज पत्रकारांना प्रफुल्ल लोढा याचे राज्यातील वेगवेगळ्या पक्षाच्या नेत्यांबरोबरचे फोटो दाखवले. त्यात शरद पवार, खासदार सुप्रिया सुळे, जयंत पाटील, उद्धव ठाकरे या नेत्यांचा समावेश होता. यांच्यासोबत लोढाचे फोटो आहेत म्हणजे हे सर्व नेते हनीट्रॅपमध्ये अडकलेले आहेत, असे म्हणायचे का? याच लोढा याने एकनाथ खडसे यांच्या मुलाची आत्महत्या आहे की त्याचा खून केला आहे याची चौकशी करण्याची मागणी केली होती, याचीही आठवण मंत्री महाजन यांनी करून दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
