सेनगाव पोलिस ठाण्यांतर्गत एका ठिकाणी कनिष्ठ महाविद्यालयात शिक्षण घेणाऱ्या एका अल्पवयीन विद्यार्थिनीच्या घरात प्रवेश जाऊन तिचा विनयभंग करून जिवे मारण्याची धमकी देणाऱ्या तरुणावर सेनगाव पोलिस ठाण्यात सोमवारी ता. 25 रात्री उशीरा गुन्हा दाखल झाला आहे. पोल
.
पोलिसांनी दिलेल्या माहितीनुसार, सेनगाव पोलिस ठाण्यांतर्गत एका ठिकाणी राहणारी अल्पवयीन मुलगी कनिष्ठ महाविद्यालयात शिक्षण घेते. सदर मुलगी दररोज कनिष्ठ महाविद्यालयात जात असतांना नर्सी येथील नामदेव शिंदे हा तरुण तिचा पाठलाग करीत होता. मात्र त्या मुलीने त्याकडे दुर्लक्ष केले होते. नामदेव हा तिला सतत बोलण्याचा प्रयत्न करीत होता मात्र तीने त्याच्या सोबत बोलण्याचेही टाळले होते.
दरम्यान, रविवारी ता. 24 दुपारी सदर मुलगी घरी असतांना दुपारच्या सुमारास नामदेव याने तिच्या घरात प्रवेश केला. यावेळी त्याने मुलीचा विनयभंग केला तसेच आरडा ओरड केल्यास जिवे मारून टाकून अशी धमकी दिली त्यानंतर मुलीस मारहाण करण्यास सुरवात केली. अचानक झालेल्या या प्रकारामुळे मुलगी घाबरून गेली. तिने आरडा ओरड केल्यानंतर नामदेव पळून गेला.
सदर प्रकार मुलीने तिच्या कुटुंबियांना सांगितल्यानंतर तिच्या कुटुंबियांनी थेट सेनगाव पोलिस ठाणे गाठून तक्रार दाखल केली. यावरून पोलिसांनी नामदेव शिंदे (रा. नर्सी) याच्या विरुध्द बाल लैंगिक अत्याचार प्रतिबंधक कायद्यांतर्गत गुन्हा दाखल केला आहे. पोलिस निरीक्षक दीपक मस्के, उपनिरीक्षक खंदारे, जमादार सुभाष चव्हाण यांच्या पथकाने घटनास्थळी भेट देऊन पाहणी केली असून आरोपीच्या शोधासाठी पथके रवाना केली आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
