हिंगोली शहरातील पोलिस पेट्रोलपंपाजवळ एका तरुणावर चाकू हल्ला झाल्याची घटना शनिवारी ता. १३ दुपारी घडली आहे. यामध्ये तरुण गंभीर जखमी झाला असून त्याच्यावर लक्ष्मी लाईफ केअर रुग्णालयात उपचार सुरु करण्यात आले आहेत. या प्रकरणी पोलिसांच्या पथकाने दोघांना ताब
.
पोलिसांनी दिलेल्या माहितीनुसार, हिंगोली शहरालगत अकोला बायपास येथील रहिवासी असलेला कृष्णा जगताप हा तरुण आज दुपारी एक वाजण्याच्या सुमारास हिंगोली शहरातील पोलिस पेट्रोल पंपाजवळ आला होता. यावेळी त्या ठिकाणी दुचाकीवर आलेल्या दोघांनी कृष्णा यास चाकूने भोसकले. यामध्ये त्याच्या पोटावर व पाठीवर चाकूचे वार झाले. अचानक झालेल्या हल्ल्यामुळे कृष्णा यास प्रतिकार करता आला नाही. यामध्ये तो जमीनीवर कोसळला. त्यानंतर दुचाकीवर आलेल्या दोघांनी घटनास्थळावरून पळ काढला.
या घटनेची माहिती मिळताच हिंगोली शहर पोलिस ठाण्याचे निरीक्षक संदीप मोदे, सहाय्यक पोलिस निरीक्षक संगमनाथ परगेवार, जमादार अशोक धामणे, गणेश लेकुळे, शेख मुजीब, गणेश वाबळे, संतोष करे, संजय मार्के यांच्या पथकाने घटनास्थळी धाव घेतली. या हल्ल्यामध्ये जखमी झालेल्या कृष्णा यास उपचारासाठी हिेंगोली येथील लक्ष्मी लाईफकेअर रुग्णालयात दाखल करण्यात आले.
दरम्यान, त्याच्या पाठीवर व इतर ठिकाणी खोलवर वार असल्यामुळे त्याच्यावर डॉ. अखील अग्रवाल, डॉ. महेश मोरे, डॉ. पंजाब शेळके, डॉ. मयुर अग्रवाल यांच्या पथकाने तातडीने उपचार केले. या घटनेची माहिती मिळाल्यानंतर भाजपाचे जिल्हाध्यक्ष गजानन घुगे, आमदार तान्हाजी मुटकुळे यांनी हॉस्पीटलमध्ये जाऊन गंभीर जखमी असलेल्या कृष्णाची विचारपूस केली.
दरम्यान, या हल्ल्याचे नेमके कारण समजू शकले नाही. या प्रकरणात पोलिसांनी शेख अतीक व शेख सज्जू यांना ताब्यात घेतले आहे. त्यांची चौकशी केली जात आहे. तर या प्रकरणी रात्री उशीरापर्यंत गुन्हा दाखल झाला नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
