हिंगोलीत जिल्हा निर्मितीनंतर तब्बल २५ वर्षानंतर हिंगोली न्यायिक जिल्हा होणार असून शनिवारी ता. २२ पासून स्वतंत्र न्यायिक जिल्हा म्हणून न्यायालयाचे कामकाज पाहिले जाणार आहे. या ठिकाणी उभारण्यात आलेल्या भव्यदिव्य इमारतीचे उदघाटन सर्वोच्य न्यायालयाचे न्या
.
हिंगोली जिल्ह्याची निर्मिती झाल्यानंतर हिंगोली जिल्हा स्वतंत्र न्यायिक जिल्हा जाहिर करावा अशी मागणी वकील संघाच्या वतीने वेळोवेळी करण्यात आली होती. त्यानंतर मागील तीन ते चारवर्षापासून याबाबत हालचाली सुरु झाल्या होत्या. न्यायिक जिल्हा झाल्यानंतर वाढीव न्यायालयांसाठी इमारतीचा प्रश्‍न होता. मात्र या ठिकाणी भव्यदिव्य इमारत बांधकाम करून पूर्ण करण्यात आली आहे.
या ठिकाणी उभारण्यात आलेल्या इमारतीचे उद्घाटन शनिवारी ता. २२ सकाळी साडेदहा वाजता नवीन न्यायालय इमारतीच्या प्रांगणात सर्वोच्च न्यायालयाचे न्यायमूर्ती भूषण रा. गवई यांच्या हस्ते होणार आहे. यावेळी सर्वोच्च न्यायालयाचे न्यायमूर्ती प्रसन्ना भा. वराळे, मुंबई उच्च न्यायालयाचे न्यायमुर्ती आलोक आराधे, न्यायमूर्ती रवींद्र घुगे, न्यायमुर्ती नितीन सांबरे, न्यायमुर्ती नितीन सुर्यवंशी यांची प्रमुख उपस्थिती राहणार आहे. कार्यक्रमाच्या अध्यक्षस्थानी मुंबई उच्च न्यायालयाचे न्यायमूर्ती यनशिवराज खोब्रागडे उपस्थित राहतील. यावेळी परभणीच्या जिल्हा व सत्र न्यायालयाच्या न्यायाधीश श्रीमती उज्वला नंदेश्वर आणि हिंगोली नवीन न्यायिक जिल्ह्याचे पहिले प्रमुख जिल्हा व सत्र न्यायाधीश म्हणून नियुक्ती करण्यात आलेले न्यायाधिश तुफानसिंग एस. अकाली यांची उपस्थिती राहणार आहे. यावेळी उपस्थित राहण्याचे आवाहन अतिरिक्त सत्र न्यायाधिश आर. व्ही. लोखंडे, वकील संघाचे अध्यक्ष ॲड. सुनील भुक्तार यांनी केले आहे.
११ हजार चौरसफुट क्षेत्रफळाची इमारत
हिंगोलीत नव्याने बांधण्यात आलेल्या इमारतीचे क्षेत्रफळ ११ हजार १७० चौरस फुट असून या इमारतीमध्ये २० प्रशस्त कोर्ट हॉल, लिफ्ट आणि दिव्यांग व्यक्तीसाठी विशेष सुविधेसह स्वतंत्र पार्किंग आणि उद्यानासाठी जागा उपलब्ध करण्यात आली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
