पोलिस दलाच्या सीसीटीएनएस च्या कामगिरीत हिंगोली जिल्हा पोलिस दल राज्यात पहिल्या दहा क्रमांकामध्ये आले आहे. हिंगोली जिल्ह्याने १९१ पैकी १८६ गुण मिळविले आहे. पोलिस दलाच्या यशाबद्दल पोलिस अधीक्षक श्रीकृष्ण कोकाटे यांनी सीसीटीएनएस विभागाचे अभिनंदन केले आह
.
राज्यात पोलिस दलामध्ये सीसीटीएनएस कार्यप्रणाली सुरु झाली आहे. राज्यातील ५३ युनीटमध्ये सुरु झालेल्या या प्रणालीनुसार प्रत्येक पोलिस ठाण्यांमधून हा विभाग सुरु करण्यात आला असून त्या ठिकाणी कर्मचाऱ्यांची नियुक्ती करण्यात आली आहे. तर जिल्हास्तरावर स्वतंत्र विभाग कार्यरत ठेवण्यात आला आहे.
त्यानुसार हिंगोली जिल्ह्यात सीसीटीएनएस विभागाची जबाबदारी अप्पर पोलिस अधिक्षक कमलेश मीना यांच्याकडे सोपविण्यात आली आहे. या शिवाय जमादार राजू हमाने, राहुल तडकसे, महिला पोलिस कर्मचारी पुजा जाधव यांची नियुक्ती करण्यात आली आहे. जिल्हयातील पोलिस ठाण्यांमधून दाखल झालेले गुन्हे सीसीटीएनएसमध्ये नोंदविणे, दोषारोपपत्र नोंदविणे, राज्यातील गुन्हेगारांची माहिती घेणे तसेच गुन्हेगारांची माहिती देऊन प्रतिबंधात्मक कारवाई करणे, ऑनलाईन तक्रारीची नोंद घेऊन पोलिस ठाण्यांना माहिती देणे या आधारावर सीआयडी पुणे यांच्याकडे दर महिन्याला माहिती पाठविली जाते. या माहितीच्या आधारावर त्या जिल्हयांना गुणांकन दिले जातात.
त्यानुसार हिंगोली जिल्ह्याने १८६ गुण मिळवून राज्यात नववा क्रमांक मिळविला आहे तर नांदेड परिक्षेत्रात पहिला क्रमांक मिळविला आहे. जिल्हा पोलिस दलाच्या सीसीटीएनएस विभागाच्या यशाबद्दल पोलिस अधिक्षक श्रीकृष्ण कोकाटे, गुन्हे शाखेचे निरीक्षक मोहन भोसले, सहाय्यक पोलिस निरीक्षक शिवसांब घेवारे यांनी विभागाचे अभिनंदन केले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
