
हिंगोली येथील बसस्थानकावर गर्दीचा गैरफायदा घेत महिला प्रवाशांचे दागिने पळविणाऱ्या जालना जिल्हयातील एका महिलेस हिंगोली पोलिसांच्या पथकाने गुरुवारी ता. ८ अटक केली आहे. तिच्याकडून जिल्ह्यातील बसस्थानकावर घडलेले अनेक गुन्हे उघडकीस येण्याची शक्यता पोलिसां
.
पोलिसांनी दिलेल्या माहितीनुसार, हिंगोली तालुक्यातील लोहरा येथील पल्लवी वाकळे ह्या आज सकाळी नऊ वाजण्याच्या सुमारास हिंगोली येथील बसस्थनकावर आल्या होत्या. यावेळी त्या कळमनुरी येथे जाण्यासाठी अमरावती ते कंधार बसमध्ये चढत असतांना गर्दीचा गैरफायदा घेत चोरट्याने त्यांच्या गळ्यातील मंगळसुत्र पळविले. सदर प्रकार पल्लवी यांच्या लक्षात आला. त्यांनी तातडीने हिंगोली शहर पोलिस ठाण्यात तक्रार दाखल केली. यावरून अज्ञात चोरट्यांविरुध्द गुन्हा दाखल झाला होता.
दरम्यान, पोलिस निरीक्षक नरेंद्र पाडळकर, जमादार अशोक धामणे, गणेश वाबळे, गणेश लेकुळे, धनंजय क्षिरसागर, संतोष करे, शेख मुजीब, अझहर पठाण, संजय मार्के, स्वाती पिंपरे यांच्या पथकाने शहरात संशयीताचा शोध सुरु केला होता. यावेळी रेल्वेस्थानकावर एक महिला संशयास्पदरित्या फिरतांना दिसून आली. पोलिसांनी त्या महिलेची चौकशी केली असता महिलेस समाधानकारक उत्तरे देता आली नाहीत. त्यामुळे तिला पोलिस ठाण्यात आणून विचारपूस केली असता तिने तिचे नांव शारदा धनराज चव्हाण (रा. हसनाबाद, जि. जालना) असल्याचे सांगितले. तिने बसस्थानकावरील चोरीची कबुली दिली असून तिच्याकडून दोन ग्राम वजनाचे एक व एक ग्राम वजनाचे सोन्याचे मंगळसुत्र जप्त केले आहे.
दरम्यान, हिंगोली येथील बसस्थानकावर दोन दिवसांपुर्वी एका महिला प्रवाशाचे दागिने पळविल्याची घटना घडली आहे. तसेच वसमत व इतर ठिकाणीही बसस्थानकावर महिला प्रवाशांचे दागिने पळविल्याच्या घटना घडल्या आहेत. या घटना उघडकीस येण्याची शक्यता पोलिसांनी व्यक्त केली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.