10वा फिल्मफेअर पुरस्कार मराठी 2025- नामांकनांची यादी जाहीर!: ‘पाणी’, ‘फुलवंती’ आणि ‘घरात गणपती’ हे चित्रपट 18, 16 आणि 12 नामांकनांसह शर्यतीत आघाडीवर – Mumbai News

.

मराठी कलाविश्वात मानाचा समजला जाणाऱ्या फिल्मफेअरने फिल्मफेअर अवॉर्ड्स मराठी २०२५ च्या १०व्या आवृत्तीची घोषणा केली आहे. या सोहळ्यासोबतच, मराठी सिनेमातील उत्कृष्ट प्रतिभेचा सन्मान करण्याच्या फिल्मफेअर अवॉर्ड्सच्या या रोमांचक प्रवासाचे एक दशक पूर्ण होत आहे. टाइम्स ग्रुपद्वारे आयोजित केलेली ही संध्याकाळ मराठी सिनेमाच्या गौरवाचे, दमदार मनोरंजनाचे आणि अविस्मरणीय क्षणांचे साक्षीदार ठरणार आहे.

१० जुलै २०२५ रोजी मुंबईतील हॉटेल सहारा स्टार येथे पार पडणार आहे. या कार्यक्रमात, १ जानेवारी २०२४ ते ३१ डिसेंबर २०२४ या कालावधीत प्रदर्शित झालेल्या चित्रपटांना आणि उत्कृष्ट कलाकृतींना पुरस्कार देऊन गौरव करण्यात येणार आहे.

या वर्षीच्या पुरस्कारांमध्ये ‘पाणी’ हा चित्रपट तब्बल १८ नामांकनांसह आघाडीवर आहे. या चित्रपटाला सर्वोत्कृष्ट चित्रपट, सर्वोत्कृष्ट दिग्दर्शक आणि सर्वोत्कृष्ट अभिनेता यांसारख्या प्रमुख श्रेणींमध्ये नामांकन मिळालं आहे. त्यापाठोपाठ ‘फुलवंती’ चित्रपट १६ नामांकनांसह शर्यतीत आहे. या चित्रपटातून प्राजक्ता माळी ‘सर्वोत्कृष्ट अभिनेत्री’च्या पुरस्कारासाठी नामांकन मिळालं आहे. ‘घरत गणपती’ हा चित्रपटही १२ नामांकनांसह या स्पर्धेत आपलं स्थान निर्माण करत आहे.

यंदाच्या फिल्मफेअर मराठी पुरस्कारांमध्ये सर्वोत्कृष्ट चित्रपटाच्या श्रेणीमध्ये खालील चित्रपटांना नामांकन मिळालं आहे:

या वर्षीच्या पुरस्कारांमध्ये, प्रेक्षकांच्या पसंतीस उतरलेल्या आदिनाथ एम. कोठारे यांना विविध भूमिकांसाठी नामांकन मिळालं आहे. त्यांना ‘पाणी’ चित्रपटासाठी सर्वोत्कृष्ट अभिनेता (पुरुष), सर्वोत्कृष्ट दिग्दर्शक, आणि सर्वोत्कृष्ट अभिनेता (क्रिटिक्स चॉइस) या श्रेणींमध्ये नामांकन मिळालं आहे. मुख्य आणि समीक्षकांची पसंती अशा दोन्ही श्रेणींमध्ये त्यांची निवड झाली आहे, हे विशेष.

सर्वोत्कृष्ट अभिनेत्री श्रेणीतील स्पर्धा यंदा अधिक रंजक आणि चुरशीची आहे. या श्रेणीत मुक्ता बर्वे (‘नाच गं घुमा’), सई ताम्हणकर (‘श्रीदेवी प्रसन्न’), आणि प्राजक्ता माळी (‘फुलवंती’) यांनी त्यांच्या दमदार अभिनयाने नामांकन मिळवलं आहे. याव्यतिरिक्त, सर्वोत्कृष्ट अभिनेत्री (क्रिटिक्स चॉइस) पुरस्कारासाठी पल्लवी परांजपे, रोहिणी हट्टंगडी आणि रुचा वैद्य यांच्यात जोरदार स्पर्धा आहे.

या भव्य संध्याकाळचे सूत्रसंचालन अमेय वाघ आणि सिद्धार्थ चांदेकर हे दमदार जोडगोळी करणार आहे. त्यांच्या उत्साही आणि सहजसुंदर जुळलेल्या केमिस्ट्रीमुळे प्रेक्षकांचे मनोरंजन सुरुवातीपासून शेवटपर्यंत कायम राहील, यात शंका नाही.

ग्लॅमर आणि अविस्मरणीय क्षणांनी भरलेल्या या संध्याकाळकडे सगळ्यांचं लक्ष लागलं आहे. प्रतिष्ठेची ‘ब्लॅक लेडी’ अर्थात ट्रॉफी कोण घरी घेऊन जातं, हे पाहण्यासाठी सर्वजण उत्सुक आहेत.

वर्ल्डवाइड मीडियाचे संचालक आणि ZEEL, BCCL TV अँड डिजिटल नेटवर्कचे CEO रोहित गोपाकुमार यांनी या कार्यक्रमाबद्दल आपले विचार व्यक्त केले. ते म्हणाले, “आम्ही फिल्मफेअर अवॉर्ड मराठीच्या 10व्या आवृत्तीचा वर्ष साजर करत आहोत आणि मला हे सांगताना आनंद होत आहे की, हा प्रवास खूप महत्त्वाचा आणि अर्थपूर्ण वाटतोय. सिनेमा क्षेत्रातील उत्कृष्ट कामाचा गौरव करण्यासाठी आम्ही या पुरस्काराची सुरुवात केली होती आणि आता ही एक सांस्कृतिक संस्था म्हणून काम करत आहे. ही संस्था मराठी सिनेमा क्षेत्रात नव्या प्रतिभेला प्रकाशझोतात आणत आहे. गेल्या दशकात, प्रत्येक आवृत्तीसोबत आमचे कलाकार आणि प्रेक्षकांशी असलेले नाते आणखी घट्ट आणि मजबूत झाले आहे. प्रत्येक आवृत्तीने कलाकार आणि प्रेक्षकांशी आमचं नातं अधिक घट्ट केलं आहे. प्रेक्षकांच्या मनाला भिडणाऱ्या, प्रेरणा देणाऱ्या आणि मराठी चित्रपटसृष्टीच्या आत्म्याचं प्रतिबिंब असलेल्या कथांमधून हे नातं अधिक दृढ झालं. आमच्या भागीदारांच्या सततच्या पाठिंब्याने, आम्ही मराठी सिनेमाचा वारसा जपण्यासाठी आणि त्याच्या भविष्याला दिशा देण्यासाठी सातत्याने काम करत राहू.”

फिल्मफेअरचे एडिटर-इन-चीफ जितेश पिल्लई यांनी या सोहळ्याबद्दल आपले विचार मांडले. ते म्हणाले, “फिल्मफेअरमध्ये आम्ही नेहमीच प्रेक्षकांना भावणाऱ्या कथांचे कौतुक करतो, आणि जसा इंडस्ट्रीचा चेहरामोहरा बदलत आहे, तसा उत्कृष्ट प्रतिभेचा सन्मान करण्याचे आमचे काम अधिक महत्त्वाचे ठरते. फिल्मफेअर अवॉर्ड्स मराठी ही त्या महान कलाकारांना समर्पित आहे, जे प्रत्येक फ्रेममध्ये जीव ओतून सिनेमा घडवतात. इंडस्ट्रीला आकार देणाऱ्या कला, कौशल्य आणि भावनांच्या सन्मानाशी संबंधित ही 10 वी आवृत्ती आमच्या प्रवासातील एक महत्त्वाचा टप्पा आहे आणि या वर्षीच्या शानदार नामांकनांना सर्वांसमोर सादर करताना आम्ही खूप उत्साहित आणि रोमांचित आहोत.”

सर्वोत्कृष्ट चित्रपट

सर्वोत्कृष्ट दिग्दर्शक

सर्वोत्कृष्ट चित्रपट (समीक्षक)

सर्वोत्कृष्ट अभिनेता (मुख्य भूमिका – पुरुष)

सर्वोत्कृष्ट अभिनेता (समीक्षक)

सर्वोत्कृष्ट अभिनेत्री (मुख्य भूमिका – स्त्री)

सर्वोत्कृष्ट अभिनेत्री (समीक्षक)

सर्वोत्कृष्ट सहाय्यक अभिनेता (पुरुष)

सर्वोत्कृष्ट सहाय्यक अभिनेत्री (स्त्री)

सर्वोत्कृष्ट संगीत अल्बम

सर्वोत्कृष्ट गीत

सर्वोत्कृष्ट पार्श्वगायक (पुरुष)

सर्वोत्कृष्ट पार्श्वगायिका (स्त्री)

सर्वोत्कृष्ट कथा

सर्वोत्कृष्ट पटकथा

सर्वोत्कृष्ट संवाद

सर्वोत्कृष्ट पार्श्वसंगीत

सर्वोत्कृष्ट साउंड डिझाइन

सर्वोत्कृष्ट छायाचित्रण

सर्वोत्कृष्ट प्रॉडक्शन डिझाइन

सर्वोत्कृष्ट ए़डिटिंग

सर्वोत्कृष्ट वेशभूषा

सर्वोत्कृष्ट पदार्पण दिग्दर्शक