महेंद्र मुधोळकर (प्रतिनिधी) बीड : महादेव मुंडेंच्या हत्येला 18 महिने उलटले तरीही अद्याप आरोपी मोकाट असल्याने त्यांची पत्नी ज्ञानेश्वरी मुंडे आक्रमक झाल्यात. काल त्यांनी पोलीस अधीक्षक कार्यालयाबाहेर विष घेत आत्महत्येचा प्रयत्न केला. एका महिन्याच्या आत आरोपींना अटक करून कारवाई न केल्यास पुन्हा आत्मदहनाचा इशारा ज्ञानेश्वरी मुंडेंनी दिला आहे.
बीड महादेव मुंडे आत्महत्या प्रकरण पुन्हा एकदा तापलंय. महादेव मुंडेंच्या आरोपींना अटक करावी, प्रकरणाचा तपास वेगानं करण्यात यावा यासाठी महादेव मुंडेंच्या पत्नी वणवण फिरतायत. पोलीस स्टेशनच्या पाय-या झिजवून देखील न्याय मिळत नसल्याचा आरोप ज्ञानेश्वरी मुंडेंनी केलाय. महादेव मुंडेंच्या हत्येला 18 महिने उलटले तरीही आरोपी मोकाट आहेत. त्यामुळे ज्ञानेश्वरी मुंडेंनी बुधवारी पोलीस अधीक्षक कार्यालयाबाहेर विष घेत आत्महत्येचा प्रयत्न केला होता.
संतोष देशमुख हत्या प्रकरणाप्रमाणे महादेव मुंडे हत्या प्रकरणात देखील कराडचा हात असल्याचा आरोप सुरेश धस यांनी केलाय. महादेव मुंडेंना 12 गुंठे जमिनीसाठी मारलं असा आरोप धसांनी केलाय.. कराडचा मुलगा आणि गोट्या गित्तेचा यांत सहभाग असल्याचा आरोपही धसांकडून करण्यात आलाय.
हेही वाचा : Awhad vs Padalkar Clash: विधीमंडळातील हाणामारीवर CM फडणवीसांनी एका प्रश्नात दिलं उत्तर, म्हणाले ‘मी विनंती…’
दरम्यान या प्रकरणात वाल्मिक कराडला देखील आरोपाच्या पिंज-यात उभं करण्यात आलंय. महादेव मुंडे हत्या प्रकरणात कराडांवर आरोप सिद्ध झाल्यास त्यांच्यावर अजून कलमं लावून मोठी कारवाई केली जाणार असं मत आमदार अमोल मिटकरींनी व्यक्त केलंय.
महादेव मुंडेंच्या हत्येला जवळपास दोन वर्ष पूर्ण होतील. मात्र, अजूनही हत्येतील आरोपी मोकाट आहेत? त्यामुळे पोलीस प्रशासनाच्या कारभारावर देखील प्रश्नचिन्ह उपस्थित करण्यात येताय. न्यायासाठी ज्ञानेश्वरी मुंडेंनी आधी आमरण उपोषण आणि आता आत्मदहनाचा प्रयत्न केला. पतीच्या हत्यारांना अटक करून त्यांच्यावर कठोर कारवाईची मागणी त्यांनी केलीये. एका महिन्याच्या आत अटक करून कारवाई न झाल्यास पुन्हा एकदा आत्मदहनाचा इशारा त्यांनी दिलाय. त्यामुळे पोलीस आता कोणती अॅक्शन घेतात ते पाहणं महत्त्वाचं ठरणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
