तालुक्यात यंदा मक्याचे उत्पादन भरघोस झाले. पण शेतकऱ्यांच्या चेहऱ्यावरचा आनंद बाजारभावाने हिरावून घेतला आहे. केंद्र सरकारने जाहीर केलेला एमएसपी २४०० रुपये प्रतिक्विंटल आहे. प्रत्यक्षात व्यापाऱ्यांकडून मिळणारा दर फक्त १ हजार ते १४०० रुपये आहे. मागील दोन महिन्यांपासून जवळपास ७० टक्के शेतकरी हातात मोल न पडणारा दर घेऊन मका विकून बसले आहेत. आता शासनाकडून ऑनलाइन नोंदणी सुरू करण्यात आली आहे. नियमानुसार ही प्रक्रिया १ ऑक्टोबरपासून सुरू व्हायला हवी होती. पण शासनाने उशीर केला. त्यामुळे उत्पादन शेतकऱ्यांचे अन् नफा व्यापाऱ्यांना अशी चर्चा आता शेतकऱ्यांमध्ये सुरू आहे. मक्याची लागवड केल्यानंतर साधारण ११० दिवसांत उत्पन्न निघते. नियमानुसार, शासनाने १ ऑक्टोबरपासून ऑनलाइन नोंदणी सुरू करावी. त्या नोंदणीपासून १५ दिवसांत शासकीय खरेदी केंद्रावर एमएसपी दराने मका खरेदी करणे आवश्यक असते. परंतु या वर्षी शासनाने ३० नोव्हेंबरपासून ऑनलाइन नोंदणी सुरू केली. या उशिरामुळे शेतकऱ्यांना आपला मका आधीच व्यापाऱ्यांकडे विकावा लागला. Q. वैजापुरात दरवर्षी मक्याचे उत्पन्न किती असते? A. ३ ते ४ लाख क्विंटल. Q. दरवर्षी मका खरेदीसाठी नोंदणी कधी होते? A. ऑक्टोबरपासून सुरुवात होत असते. Q. नोंदणीसाठी यंदा उशीर का झाला? A. सरकारकडूनच उशीर झाला आहे. बहुतेक कारण निवडणुकीचे असू शकते. Q. अनेकदा नोंदणीसाठी अडचणी येतात? A. काही वेळेस अडचण येत आहे. याविषयी आम्ही वरिष्ठांना कळवले आहे. Q. आता मका खरेदी कधीपासून सुरू होणार? A. ऑनलाइन नोंदणी सुरू आहे. त्यानुसार चार-पाच दिवसांत खरेदी सुरू होईल. प्रल्हाद मोटे, सचिव, बाजार समिती, वैजापूर शासनाच्या उशिरा सुरू झालेल्या ऑनलाइन नोंदणीचा खंडाळ्यातील शेतकरी मुनीर शेर खान यांनाही फटका बसला आहे. त्यांनी ११ नोव्हेंबर रोजी आपला २८ क्विंटल मका एका व्यापाऱ्याला फक्त १ हजार रुपये प्रतिक्विंटलने विकला. एमएसपी दराने २४०० रुपये प्रतिक्विंटलने खरेदी झाली असती, तर शेतकऱ्याला दुप्पट भाव मिळाला असता. ^शासनाने ऑनलाइन नोंदणी सुरू केल्याने शेतकऱ्यांना काही प्रमाणात दिलासा मिळाला आहे. परंतु, ही खरेदी ऑक्टोबरमध्ये सुरू झाली असती, तर शेतकऱ्यांना मका कमी भावाने विकावा लागली नसता. वेळेवर सुरू झाल्यास शेतकऱ्यांची लूट थांबेल आणि शेतकरी सक्षम राहील. -अर्जुन मगर, शेतकरी उशिराचे मुख्य कारण निवडणुका, स्थानिक नेत्यांचे उदासीन धोरण आणि येथील बाजार समितीची विस्कटलेली घडी आहे. यामुळे शेतकऱ्यांना वेळेवर एमएसपीचा लाभ मिळालाच नाही. उत्पादन विक्रीत अडथळा निर्माण झाला. एमएसपी ऑनलाइन नोंदणी उशिरा का?
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
