दिव्य मराठी नेटवर्क | भोपाळ57 मिनिटांपूर्वी
- कॉपी लिंक
केंद्रीय लोकसेवा आयोगाच्या नागरी सेवा परीक्षा २०२५ साठी अार्थिकदृष्ट्या दुर्बल (ईडब्ल्यूएस) उमेदवारांनाही ५ वर्षांची वयाची सवलत मिळणार अाहे. त्यासोबतच ९ वेळा प्रयत्न करण्याचीही सवलत देण्यात येईल. ९ अटेम्पटची अट केवळ अारक्षित प्रवर्गासाठी लागू होती, ती सवलत ईडब्ल्यूएसलाही मिळावी, असे न्यायालयाने म्हटले. मध्य प्रदेश हायकाेर्टाने हा निकाल दिला आहे. यंदा ९७९ पदांच्या परीक्षेसाठी अर्जाची मुदत १८ फेब्रुवारीपर्यंत अाहे.
शिक्षक निवड भरती परीक्षा २०२४ च्या संदर्भात सुनावणीवेळी हा निकाल दिला. मुख्य न्यायमूर्ती सुरेशकुमार कैत आणि न्या.विवेक जैन यांच्यासमोर ही सुनावणी झाली. यूपीएससीत वयाची मर्यादा व अटेम्प्ट निश्चित करण्याचे अधिकार केंद्राला अाहेत, असा युक्तिवाद राज्य सरकारने केला होता. इतर परीक्षांत ईडब्ल्यूएसला सवलत मिळते तर यूपीएससीत का नाही, असा सवाल न्यायालयाने केला.
सध्याची वयाेमर्यादा
- खुला प्रवर्ग : २१ ते ३२ वर्षे (कोणतीही सवलत नाही)
- ईडब्ल्यूएस: २१ ते ३२ वर्षे (कोणतीही सवलत नाही)
- ओबीसी: २१ ते ३५ वर्ष (३ वर्षांची सवलत)
- एससी/एसटी: २१ ते ३७ वर्षे (५ वर्षे सवलत)
अटेम्प्ट : खुला प्रवर्ग ६, ईडब्ल्यूएस ६, ओबीसी ९, खुला प्रवर्ग (दिव्यांग) ९, ओबीसी दिव्यांग : ९, एससी/एसटी व अक्षम माजी सैनिक (ओबीसी): कोणतीही मर्यादा नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
