पोलीस असल्याची बतावणी करीत दोघा चोरट्यांनी दुचाकीस्वार जेष्ठाला गाडी बाजूला घेण्यास भाग पाडले. त्यांच्याकडील सोने डिकीत ठेवायला सांगून, बोलण्यात गुंतवून चोरट्यांनी ७५ हजारांचे दागिने चोरून नेले. ही घटना लोहगाव ते वाघोली परिसरातील संतनगरमध्ये घडली आहे
.
पोलिसांनी दिलेल्या माहितीनुसार, तक्रारदार लोहगावमध्ये राहायला असून, ते दुचाकीवर संतनगर परिसरातून जात होते. त्यावेळी दोघांनी त्यांना अडवून पोलीस असल्याची बतावणी केली. वाहनांची तपासणी सुरू असून, तुम्ही एवढे सोने घालून कोठे चालला आहे. सोने काढून गाडीच्या डिकीत ठेउन द्या, असे चोरट्यांनी त्यांना सांगितले. त्यानुसार तक्रारदाराने त्यांच्याकडील ७५ हजारांची सोन्याचे दागिने डिकीत गाठून ठेवले. चोरट्यांनी त्यांना बोलण्यात गुंतवून दागिन्यांची चोरी केली. याप्रकरणी पोलीस उपनिरीक्षक नवनाथ क्षीरसागर तपास करीत आहेत.
मॉलमधील सव्वा लाखांचा मोबाइल चोरीला
स्टोअर रूममधील डिस्पेला लावलेला १ लाख ३० हजार रूपये किंमतीचा मोबाइल चोरट्याने चोरून नेला. ही घटना सेनापती बापट रस्त्यावरील पॅव्हेलियन मॉलमधील शॉपमध्ये घडली आहे. याप्रकरणी चतुःशृंगी पोलिस ठाण्यात फिर्याद दाखल करण्यात आली आहे.
पोलिसांनी दिलेल्या माहितीनुसार, तक्रारदार हे सेनापती बापट रस्त्यावरील पॅव्हेलियन मॉलमधील युनिकॉर्न इन्फोसोल्युशन्स प्रा. लिमिटेडमध्ये कामाला आहेत. ६ यांच्या स्टोअर रूममधील १ लाख ३० हजार रूपये किंमतीचा मोबाइल चोरट्याने चोरून नेल्याचे दिसून आले. त्यानंतर तक्रारदाराने पोलीस ठाण्यात धाव घेउन फिर्याद दाखल केली आहे. पोलीस अमलदार एस शिर्के पुढील तपास करीत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
