दिल्लीचेही तख्त राखतो महाराष्ट्र माझा… असे नव्हे, तर दिल्लीचेही तख्त राखते अहिल्यानगर माझे… याचा प्रत्यय आपणास दिल्लीतील तालकटोरा स्टेडियममधील छत्रपती शिवाजी महाराज साहित्य नगरीत होणाऱ्या ९८ व्या अखिल भारतीय मराठी साहित्य संमेलनातून येणार आहे. या संम
.
महिपतीबुवा ताहाराबादकर यांचा १७१५ ते १७९० हा कालखंड मानला जातो.मात्र त्यांनी जे संतसाहित्य लिहून ठेवलं आहे. ते काळाच्या खूप पुढचं आणि म्हणूनच अजरामर ठरणारे आहे. संत महिपती महाराजांनी देशभरातील २८४ संत चरित्राचे लेखन केले आहे. महाराष्ट्रातील १६८ आणि महाराष्ट्राबाहेरील ११६ अशी २८४ संतचरित्रे काव्यमय शैलीत लिहिली. या संतचरित्र त्यांच्या स्फूट रचनाही मोठ्या आहेत. त्यांनी ‘पंढरीमहात्मा ‘पांडुरंगस्त्रोत’ ही लिहिली.संत महिपती महाराजांनी संत नामदेव, संत ज्ञानेश्वर, संत तुकाराम, संत मुक्ताई, संत गोरोबा, संत बोखोबा, संत कबीर, बोधलेबुवा, गणेशनाथ उद्धव, चिद्धन, विसोबा खेचर, संत सेना महाराज, संत रोहिदास अशा संतांची रसाळ चरित्रे लिहिली आहेत. त्यांचे भक्तविजय, कथा सारामृत, भक्तलीलामृत, संतलीलामृत, संत विजय हे आणि असे अनेक ग्रंथ वारकरी संप्रदायात स्मरणीय आहेत. त्यांनी लिहिलेलं पंढरी महात्म्य, अनंतव्रतकथा, दत्तात्रेय जन्म, तुळशी महात्म्य, गणेशपुराण, पांडुरंगस्रोत, मुक्ताभरणकथा, ऋषिपंचमी महात्म्य या स्फुटांसह अनेक अभंग, आरत्या, पदे, सारांश ज्ञानेश्वरी असं लेखन केलं.पूर्वी आपल्याकडे देवांची चरित्रे गायली जात. महिपतींनी देवांचे मूर्त रूप असलेल्या संतांची चरित्रे गायली. त्यामुळेच ते ‘संतांचे कवी’ झाले. मराठी संतसाहित्यात त्यांनी जे अवर्णनीय योगदान दिले ते म्हणूनच महत्त्वपूर्ण आहे. आजही वारकरी संप्रदायात संत महिपतीबुवांचे दाखले दिल्याशिवाय कीर्तनकारांना पुढे जाता येत नाही. संत महिपती नसते तर कित्येक संतांची नावेही आपल्याला कळली नसती, असे संत महिपती महाराज यांच्या नावाने संयोजकांनी या मराठी साहित्य संमेलनात प्रकाशन कट्टा तयार केला आहे. या निमित्तदिल्लीचेही तख्त राखते..अहिल्यानगर माझे…असे म्हटल्यास वावगे ठरणार नाही.
संमेलनात नगरकरांची प्रकाशित होणारी पुस्तके या भारतीय मराठी साहित्य संमेलनामध्ये संत महिपती प्रकाशन कट्ट्यावर अहिल्यानगर जिल्ह्यातील ज्येष्ठ नाटककार डॉ. सोमनाथ मुटकुळे यांचे चक्र व इतर नाटके,निवडुंग व इतर नाटके,राजर्षी व इतर नाटकेसंदीप वाकचौरे यांचे शिक्षणाचे प्रश्नोपनिषद, शिक्षणनामा, शिक्षणाचिये द्वारी, शिक्षणावर बोलू काहीहिरालाल पगडाल यांचे पुन्हा एकदा लंडन, आशिष निनगुरकर यांचे लालबत्ती ते कारंबा, तर भाऊसाहेब कासार यांचेही पुस्तक प्रकाशित होणार आहे.
जगभरात संत महिपती महाराजांच्या कार्यावर संशोधन संमेलनात प्रकाशन कट्टाला संत महिपती महाराज यांचे नाव दिले, याचा त्यांचे वंशज या नात्याने आनंद होत आहे. संत महिपती महाराज यांची ग्रंथ संपदा समजून घेण्यासाठी त्यांच्या कार्यावर संशोधन होत आहे. विद्यापीठात संशोधनात्मक प्रबंध इंग्रजी, रशियन, स्पॅनिश, जर्मनी भाषेत लिहिले जात आहेत. – विजय नगरकर, सेवानिवृत्त राजभाषा अधिकारी, बीएसएनएल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
