कोपरगाव शहरात नगरपालिका, महसूल प्रशासन आणि पोलिस पथकाने अतिक्रमण हटाव मोहीम सुरू केली आहे. शुक्रवारी सकाळी साडेसात वाजता अनधिकृत बांधकामे आणि पत्राशेड काढून टाकण्याची कारवाई सुरू झाली.
.
प्रांताधिकारी माणिक आहेर, तहसीलदार महेश सावंत, मुख्याधिकारी सुहास जगताप आणि पोलिस निरीक्षक भगवान मथुरे यांच्यासह प्रशासनाचा मोठा फौजफाटा उपस्थित होता. नगरपालिकेने सात दिवस अगोदर व्यापाऱ्यांना अतिक्रमणे हटवण्याची नोटीस दिली होती.
कारवाई दरम्यान बसस्थानक परिसर, जुना नगर-मनमाड मेन रोड, येवला रोड, येवला नाका, बैल बाजार रोड, गांधीनगर रोड आणि धारणगाव रोड परिसरातील अतिक्रमणे हटवण्यात आली. टपऱ्या, हातगाड्या आणि दुकानांसमोरील फलक काढून टाकण्यात आले.
मुख्याधिकारी सुहास जगताप यांनी स्पष्ट केले की ही मोहीम सुरूच राहणार आहे. त्यांनी अतिक्रमणधारकांना स्वतःहून अतिक्रमणे काढून घेण्याचे आवाहन केले. जप्त केलेल्या हातगाड्या आणि टपऱ्या पुन्हा सोडून देण्यात येणार नसल्याचाही इशारा त्यांनी दिला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
