98 व्या अखिल भारतीय मराठी साहित्य संमेलनातील एक कार्यक्रमात बोलताना शिंदे गटाच्या नेत्या निलम गोऱ्हे यांनी उद्धव ठाकरे यांच्यावर खळबळजनक आरोप केलेला आहे. ठाकरेंच्या शिवसेनेत दोन मर्सिडीझ दिल्या की एक पद मिळायचे, असा गौप्यस्फोट नीलम गोऱ्हे यांनी केला.
.
सध्या दिल्लीमध्ये 98 वे अखिल भारतीय मराठी साहित्य संमेलन सुरू आहे. साहित्य संमेलनात ‘असे घडलो आम्ही’ या कार्यक्रमात नीलम गोऱ्हे सहभागी झाल्या होत्या. संपादक राजीव खांडेकर आणि पत्रकार प्रविण बर्दापूरकर यांनी नीलम गोऱ्हे यांची मुलाखत घेतली. या मुलाखतीत बोलताना नीलम गोऱ्हे यांनी उपरोक्त गौप्यस्फोट केला.
नेमके काय म्हणाल्या नीलम गोऱ्हे? कार्यकर्त्यांना कमी समजण्याचे कारण नाही. शिवसेनेच्या प्रत्येक कार्यक्रमासाठी ठाण्यातून माणसे आणली जायची. गल्ला गोळा करण्याचे काम एकनाथ शिंदेंना दिले होते, असे नीलम गोऱ्हे म्हणाल्या. उद्धव ठाकरेंच्या शिवसेनेत दोन मर्सिडीझ दिल्या की पदे मिळायची, असा खळबळजनक आरोप देखील नीलम गोऱ्हे यांनी या मुलाखतीत बोलताना केला. तसेच ठाकरेंच्या शिवसेनेतल्या नेत्यांनाच आम्ही नको झालो होतो, असा दावाही नीलम गोऱ्हे यांनी केला.
त्या 4 वेळा आमदार, त्यांनी 8 मर्सिडीझ दिल्या का? – राऊत एक महिला म्हणून नीलम गोऱ्हेंबद्दल आदर आहे. राजकारण त्यांनी त्यांचे चांगभलं केलेले आहे. ही सगळी गये गुजरे लोक आहेत. त्यामुळे मी त्यांच्याकडे लक्ष देत नाही, अशी प्रतिक्रिया उद्धव ठाकरे म्हणाले. संजय राऊत यांनी देखील नीलम गोऱ्हे यांच्या आरोपांवर प्रत्युत्तर दिले. उद्धव ठाकरेंनी त्यांना चार वेळा आमदार केले. आमच्याकडे महिला आघाडीचा विरोध असताना चार वेळा विधान परिषदेचे आमदार केले. त्यामुळे त्यांनी 8 मर्सिडीझ दिल्यात का? दिल्या असेल तर त्यांनी पावत्या घेऊन याव्यात, असे आव्हान संजय राऊत यांनी नीलम गोऱ्हेंना दिले.
असा आरोप करणे गोऱ्हेंची नमकहरामी – अंबादास दानवे दरम्यान, नीलम गोऱ्हे यांच्या आरोपाचा ठाकरे गटाचे नेते आणि विधान परिषदेचे विरोधीपक्ष नेते अंबादास दानवे यांनी समाचार घेतला. असा आरोप करणे म्हणजे नीलम गोऱ्हे यांची नमकहरामी आहे, असे प्रत्युत्तर दानवे यांनी दिले. मी ग्रामीण भागातील सर्वसामान्य कार्यकर्ता आहे. आज मी राज्याचा विरोधी पक्षनेता आहे. मला उलट पक्षाने वेगवेगळ्या कामासाठी निधी दिला. माझ्याकडे पक्षाने कधीही पैसे मागितले नाही, असेही दानवे यांनी स्पष्ट केले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
