मुंबई उच्च न्यायालयाच्या नागपूर खंडपीठाने महायुतीच्या तीन आमदारांना नोटीस बजावली आहे. शिंदे शिवसेनेचे तसेच भाजपचे आमदार प्रताप अडसड, संजय कुटे आणि संजय गायकवाड यांना चार आठवड्यांत उत्तर सादर करण्याचे आदेश दिले आहेत.
.
विधानसभा निवडणुकीत पराभूत झालेल्या विदर्भातील अनेक उमेदवारांनी या विजयी आमदारांविरुद्ध याचिका दाखल केल्या आहेत. काँग्रेसचे वीरेंद्र जगताप यांनी प्रताप अडसड यांच्याविरुद्ध याचिका दाखल केली आहे. शिवसेना (उद्धव गट) च्या जयश्री शेळके यांनी संजय गायकवाड यांच्याविरुद्ध तर काँग्रेसच्या स्वाती वाकेकर यांनी संजय कुटे यांच्याविरुद्ध याचिका दाखल केली आहे.
याचिकाकर्त्यांनी निवडणूक आयोगावर गंभीर आरोप केले आहेत. त्यांच्या म्हणण्यानुसार, ईव्हीएमद्वारे निवडणुका घेण्यापूर्वी आवश्यक कायदेशीर प्रक्रिया पूर्ण करण्यात आली नाही. निवडणूक आयोगाने ईव्हीएम वापरासाठी कोणतीही अधिसूचना जारी केली नाही. पराभूत उमेदवारांना सीसीटीव्ही फुटेज आणि फॉर्म क्रमांक १७ देण्यात आले नाही. व्हीव्हीपॅटची मोजणीही करण्यात आली नाही.
न्या. अनिल किलोर यांच्यासमोर सोमवारी या प्रकरणाची सुनावणी झाली. न्यायालयाने निवडणूक आयोग आणि इतर प्रतिवादींची नावे वगळण्याचे आदेश दिले. याचिकाकर्त्यांच्या वतीने अॅड. आकाश मून, अॅड. पवन दहत आणि अॅड. ऋग्वेद ढोरे यांनी बाजू मांडली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
