हिंगोली शहरापासून काही अंतरावर असलेल्या जवळा पळशी भागातील तलावावर जखमी अवस्थेत पडलेल्या समुद्री घार या पक्षावर हिंगोलीत प्राणी मित्रांनी प्राथमिक करून जीवदान दिले आहे. या पक्षाला वन विभागाच्या हवाली करण्यात आले असून पुढील काही दिवसांतच पक्षाला नैसर्ग
.
हिंगोली शहरापासून काही अंतरावर असलेल्या जवळा पळशी तलावावर एक पक्षी शनिवारी ता. 8 गंभीर जखमी अवस्थेत पडलेला आढळून आला होता. काही तरुणांनी सदर पक्षी हिंगोलीत डॉ. श्रीराम मोरे यांना दाखविल्यानंतर त्यांनी तातडीने प्राणी मित्र डॉ. गजानन धाडवे यांना माहिती दिली. डॉ. धाडवे यांनी या पक्षाची तपासणी केली असता त्याचे पंख तुटलेल्या अवस्थेत दिसून आले. त्यानंतर त्यांनी पक्षावर प्राथमिक उपचार करून पुढील उपचारासाठी वन विभागाचे कर्मचारी कृष्णा चव्हाण यांच्या हवाली करण्यात आले. या पक्षाच्या पंखावर पशुवैद्यिकय अधिकाऱ्यांमार्फत शस्त्रक्रिया करून त्याची काळजी घेतली जाईल. त्यानंतर वन परिक्षेत्र अधिकारी मीनाक्षी पवार यांच्या मार्गदर्शनाखाली नैसर्गिक अधिवासात सोडले जाणार आहे.
दरम्यान, या संदर्भात डॉ. धाडवे यांनी सांगितले की, सदर पक्षी समुद्री घार म्हणून ओळखला जातो. समुद्रतटावर या पक्षांचे वास्तव्य असते. दुर्मीळ असलेला हा पक्षी हिंगोली जिल्हयातील जवळा पळशी तलाव व कळमनुरी तालुक्यातील भाटेगाव येथील मत्स उत्पादन केंद्राच्या परिसरात आढळून येत असल्याचे त्यांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
