ब्युरो, रिपोर्ट झी 24 तास : कोल्हापूरच्या हातकणंगलेमध्ये राहणाऱ्या सागर पुजारींना आर्थिक मदतीची गरज आहे. त्यांच्या 7 वर्षाच्या लेकीला एसएसपीई या आजारानं ग्रासल आहे. लेकीवर उपचारासाठी 20 लाख रुपये खर्च झालेत. लेकीसाठी पाण्यासारखा पैसा त्यांनी खर्च केला. मात्र, पुढील उपचारासाठी त्यांना मदतीचा हात हवा आहे.
कोल्हापूरच्या 7 वर्षाच्या ओवीला एसएसपीई या गंभीर आजारानं ग्रासलं आहे. या आजारावर भारतात कुठेही औषध उपलब्ध नाही आहे. त्यामुळे वडील सागर पुजारीनं लेकीसाठी संपूर्ण भारत पिंजून काढलाय. मात्र, तरीही त्यांना या आजारावरचं औषध मिळालं नाही. त्यामुळे ओवीच्या वडिलांबरोबर डॉक्टरही हतबल झालेत.
संपूर्ण भारतात चौकशी केल्यानंतर सागर पुजारींना आशेचा किरण दिसला आहे. या आजारावर रिबावरीन नावाचं इंजेक्शन परिणामकारक ठरत असल्याची माहिती त्यांना मिळाली आहे. दरम्यान यानंतर सागर पुजारींनी हे इजेक्शन घेण्यासाठी थेट चीन गाठलं.
चीनमधून हे इजेक्शन आणल्यानंतर ओवीवर उपचार सुरु आहेत. 90 दिवस तिच्यावर उपचार करण्यात येणार आहेत. मात्र, तिच्या उपचारासाठी सागर पुजारींना 20 लाख रुपये खर्च आला. लेकीचं आयुष्य वाचवण्यासाठी बापानं जमीन विकली. मात्र, हा बाप आता खचला आहे. पैशांची जमवाजमव करुन तो थकला आहे. या आजाराची नोंद इन्शुरन्स कंपन्यांकडे नसल्यामुळे त्यांनी देखील आर्थिक मदतीसाठी हातवर केले आहेत. मुख्यमंत्री सहाय्यता निधीतूनही सागर पुजारींना मदत मिळालेली नाही आहे. त्यामुळे सागर पुजारींना तुमच्या-आमच्या हातभाराची गरज आहे. आपण केलेल्या मदतीतून ओवीला नवजीवनं मिळेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
