Sanjay Raut On Amit Shah Speech: उद्धव ठाकरेंच्या शिवसेनेचे प्रवक्ते तसेच राज्यसभा खासदार संजय राऊत यांनी केंद्रीय गृहमंत्री अमित शाहांनी रायगडावरील भाषणादरम्यान छत्रपती शिवाजी महाराजांचा अपमान केल्याचा आरोप केला आहे. अमित शाहांच्या दौऱ्यासंदर्भात बोलताना राऊतांनी अमित शाहांनी औरंगजेबच्या कबरीचा समाधी असा उल्लेख केल्याचं नमूद केलं आहे. अमित शहा यांच्या दौऱ्याचं निमित्त रायगड होतं पण त्यांचा हा राजकीय दौरा होता पण तिकडे ते पालकमंत्रिपदाचा तिढा काय ते सोडवू शकले नाहीत, असा टोलाही राऊतांनी लगावला.
औरंगजेबाबद्दल प्रेम आहे का एवढं?
“छत्रपती शिवाजी महाराजांचे ज्ञान अमित शहा यांच्याकडून घेणे इतकी वाईट वेळ आमच्यावर आलेली नाही. गेली तीन महिने यांचीच लोक औरंगजेबाची कबर उघडण्याची भाषा करण्यात भारावून गेले होते. मुख्यमंत्र्यांनी खास ‘छावा’ चित्रपटाचे प्रदर्शन केले आणि त्यातून लोक भडकले, पेटले. शाहांनी मात्र औरंगजेबाच्या कबरीला समाधीचा दर्जा दिला. गुजरातमध्ये औरंगजेबाचा जन्म झाला त्याचा हा परिणाम आहे का? गुजरातच्या या नेत्यांना औरंगजेबाबद्दल प्रेम आहे का एवढं?” असा खोचक सवाल राऊतांनी उपस्थित केला आहे.
…तर या दोघांनी अक्षरश: थयथयाट केला असता
“औरंगजेबाच्या कबरीला प्रत्यक्ष समाधीचा दर्जा देण्याचा देशाच्या गृहमंत्र्यांच्या तोंडातून आला त्यावेळी छत्रपतींचे वंश बाजूला बसले होते त्यांना खरं म्हणजे त्यांना त्रास झाला पाहिजे होता. औरंगजेबाची समाधी हा शब्द इतर कोणाच्या तोंडून निघाला असता तर या दोघांनी अक्षरश: थयथयाट केला असता. औरंगजेबाच्या कबरीबद्दल समाधीचा शब्द गृहमंत्र्यांच्या तोंडातून निघाला यावेळी मुख्यमंत्री, उपमुख्यमंत्री होते त्यांच्या तोंडातून काही शब्द निघाला नाही यावेळी,” असा टोला संजय राऊत यांनी लगावला आहे.
नक्की वाचा >> ‘शिवाजी महाराजांना अरे-तुरे करायला अमित शाहांची जीभ धजावते कशी?’ राऊतांचा सवाल; म्हणाले, ‘मला गाढव म्हणून…’
कडेलोटवरुन लगावला टोला
देवेंद्र फडणवीस यांनी आपल्या भाषणामध्ये छत्रपती शिवाजी महाराजांचा अपमान करणाऱ्यांचा कडेलोट केला पाहिजे असं विधान केलं होतं. यावरुन बोलताना राऊतांनी, “त्यांच्यासमोरच काल अपमान झाला आहे. छत्रपतींचा उल्लेख शिवाजी म्हणून एकेरीमध्ये करण्यात आला आहे. तो आम्ही कधीच करत नाही. औरंगजेबाच्या थडग्याला समाधी म्हणून उल्लेख करण्यात आला. देशाचे गृहमंत्री म्हणतात समाधी म्हणून मग त्याला समाधी म्हणून मानले जाईल, हा अपमान नाही आहे का छत्रपती शिवाजी महाराजांचा? मग तुम्ही कडेलोट करणार आहात का? करा कडेलोट,” असा टोला लगावला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
