Pune RTO Cracks Down On Auto-Rickshaw Permits : पुणे आरटीओने जारी केलेल्या एका आदेशामुळे पुण्यात रिक्षा चलावणाऱ्या रिक्षाचालकांमध्ये खळबळ उडाली आहे. सरकारी तसेच खाजगी संस्थेत जॉब करणारे आणि उद्योग करणाऱ्यांनी रिक्षा परवाने परत द्यावेत असे आदेश पुणे RTO ने जारी केले आहे. तपासणीसाठी आरटीओ घेणार विशेष मोहीम हाती घेणार आहे. अन्यथा कारवाई होणार आहे.
पुण्यात मोठ्या प्रमाणात खाजगी आणि सार्वजनिक दोन्ही प्रकारच्या वाहतुकीचा वापर केला जातो. प्रवाशांच्या सोयीसाठी, महाराष्ट्र सरकारचे रस्ते वाहतूक मंत्रालय रिक्षा परवाने जारी करते. लोकसंख्येच्या तुलनेत रिक्षांची संख्या अपुरी असल्याचे लक्षात आल्यानंतर RTO ने 2017 मध्ये रिक्षा परवाने देणे पुन्हा सुरू केले. त्यावेळी पुण्यात 46,000 हून अधिक रिक्षा चालक होते. तेव्हापासून ही संख्या प्रचंड वाढली आहे, आता पुण्यात 83,000 आणि पिंपरी चिंचवडमध्ये 40,000 हून अधिक रिक्षा चालक कार्यरत आहेत.
1988 च्या मोटार वाहन कायद्यानुसार, सरकारी, निमशासकीय किंवा खाजगी नोकरीत काम करणाऱ्या व्यक्ती रिक्षा परवाना धारण करू शकत नाहीत. रिक्षा परवाने देताना, अर्जदारांकडून प्रतिज्ञापत्र घेतले जाते. तथापि, अर्धवेळ नोकरी म्हणून रिक्षा चालवणाऱ्या आणि इतरांना परवाने दिल्या जात असल्याच्या तक्रारी निर्माण झाल्या आहेत.
30 मे 2025 पूर्वी अशा प्रकारच्या रिक्षा चालकांनी परवाने परत करावेत असे अवाहन RTO ने केले आहे. अशा लोकांकडे ऑटोरिक्षा परवाने निदर्शनास आल्यास त्यांचेवर मोटार वाहन कायदा व प्राधिकरणाने विहित केलेल्या तरतूदीनुसार कारवाई करण्यात येईल असा इशारा RTO ने दिला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
