महाराष्ट्र सरकारने मंगळवारी राज्यात सुरु असलेल्या ऍप टॅक्सी आणि ऑटो सेवा नियमित करण्यासाठी एग्रीगेटर पॉलिसीला मंजुरी दिली आहे. या पॉलिसी अंतर्गत गृह विभागाने जीआर जाहीर केला आहे. तसेच जर राइड कोणत्याही कारणाशिवाय रद्द केली तर ड्रायव्हर आणि प्रवाशी या दोघांवर दंड आकारला जाईल. यामध्ये भाडे मर्यादा आणि कार पूलिंग सेवांसाठी कठोर नियम समाविष्ट आहेत. ड्रायव्हर-युजर आठवड्यातून जास्तीत जास्त १४ वेळा पूलिंग सेवेचा लाभ घेऊ शकतो.
ऍप बेस टॅक्सी आणि ऑटो सेवा पुरवणाऱ्या सर्व एग्रीगेटर्सचे महाराष्ट्रात कार्यालय असणे आवश्यक आहे. तसेच प्रवाशांची सुरक्षा, आकारण्यात येणाऱ्या भाड्यावर मर्यादा, सेवेत पारदर्शकता, ड्रायव्हर आणि प्रवाशांच्या अधिकारांना नियम लागू केले आहेत.
ऑफर बंद
महाराष्ट्र सरकार लवकरच सविस्तर नियम जाहीर केली आहे. गृह विभागाने जारी केलेल्या जीआरनुसार, नवीन धोरणात अॅप-आधारित सेवांसाठी किमान अंतर तीन किलोमीटर निश्चित करण्यात आले आहे. चालकाला जास्तीत जास्त ८०% भाडे देणे बंधनकारक असेल. कमी मागणीच्या काळात, २५ टक्क्यांपेक्षा जास्त सूट देता येत नाही, तर जास्त मागणीच्या काळात, भाडे जास्तीत जास्त १.५ पट वाढवता येते.
चालकाला 10% आणि प्रवाशाला 5% दंड
जर चालकाने प्रवास रद्द केला तर त्याला १०० रुपये किंवा एकूण भाड्याच्या १० टक्के रक्कम, जी कमी असेल ती प्रवाशाच्या पाकिटात जमा करावी लागेल. त्याच वेळी, जर प्रवाशाने कोणतेही कारण नसताना राईड रद्द केली तर चालकाला ५० रुपये किंवा एकूण भाड्याच्या ५ टक्के, जे कमी असेल ते मिळेल.
प्रवाशांची सुरक्षा सर्वात महत्त्वाची
नवीन धोरणानुसार, सर्व अ‍ॅग्रीगेटर कंपन्यांसाठी पोलिस पडताळणी आणि चालकांचे प्रशिक्षण अनिवार्य असेल. प्रत्येक वाहनात रिअल-टाइम ट्रॅकिंग, आपत्कालीन बटण आणि तक्रार निवारण प्रणाली असेल. महिला प्रवाशांना सुरक्षित सेवा देण्यासाठी विशेष व्यवस्था करण्यात आली आहे, ज्यामध्ये फक्त महिला चालकांसह राईड शेअरिंग शक्य होईल. चालक आणि प्रवासी दोघांसाठीही विमा संरक्षण उपलब्ध असणे आवश्यक आहे.
नव्या धोरणामुळे पारदर्शकता शक्य
राज्यात प्रवाशांना सेवा देण्यासाठी काळ्या-पिवळ्या टॅक्सी आणि ऑटो-रिक्षांसाठी धोरण आहे, परंतु अॅप-आधारित कॅबसाठी कोणतेही धोरण नव्हते. बऱ्याच काळापासून धोरण बनवण्याची मागणी होती. आता महाराष्ट्र सरकारने धोरणाला मान्यता दिली आहे. यामुळे प्रवासी आणि चालकांसाठी पारदर्शक आणि न्याय्य शुल्क आणि दंड निश्चित करून सेवा सुधारेल.
वारंवार रद्द होणाऱ्या कॅब सेवांमुळे प्रवाशांना आणि चालकांना होणारी गैरसोय आणि आर्थिक नुकसान कमी होईल. कडक सुरक्षा मानकांच्या अंमलबजावणीमुळे प्रवाशांचा आत्मविश्वास वाढेल. महिलांसाठी सुरक्षित आणि विश्वासार्ह कार पूलिंग पर्याय उपलब्ध असेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
