Vaishnavi Hagawane Case: पुण्यातील वैष्णवी हगवणे मृत्यू प्रकरणात अटकेत असलेल्या आरोपींच्या अडचणीत आता आणखी वाढ झाली आहे. हुंडाबळी आणि मृत्यूला कारणीभूत ठरलेल्या शशांक हगवणे, सुशील हगवणे आणि निलेश चव्हाण यांचा आता पुणे पोलीस ताबा घेणार आहेत. शस्त्र परवाना मिळवताना खोटी कागदपत्र सादर केल्याच्या आरोपावरून या तिघांना ताब्यात घेतलं जाणार आहे. हे तिघेही आता न्यायालयीन कोठडीत असल्याने त्याबाबतीतील कायदेशीर बाबीही पुणे पोलिसांनी पूर्ण केल्या आहेत .
पिस्तूल प्रकरणात हगवणे बंधू अडकणार
शशांक हगवणे
– वैष्णवीला त्रास, मारहाण
– खोटे कागदपत्र देऊन शस्त्र परवाना मिळवणे आणि धमकावल्याचं प्रकरण
– पुण्यातील वारजे माळवाडी पोलीस स्टेशनमध्ये गुन्हा
सुशील हगवणे
– धमकावणं, मारहाणीचं प्रकरण
– कोथरूड पोलीस ठाण्यात गुन्हा
निलेश चव्हाण
– कस्पटे कुटुंबियांना बंदुकीचा धाक दाखवून धमकावल्याचा आरोप
– खोटे कागदपत्रांच्या मदतीने शस्त्र परवाना मिळवणे
– वारजे माळवाडी पोलीस ठाण्यात गुन्हा दाखल
हगवणे कुटुंबाचे इतर अनेक काळे कारनामे समोर
या तिघांना पुणे पोलिसांनी यापूर्वी वैष्णवी हगवणे मृत्यू प्रकरणात अटक केली असून, ते सध्या न्यायालयीन कोठडीत आहेत. शशांक आणि सुशील हगवणे यांना वैष्णवीच्या प्रकरणात अटक झाली होती, तर निलेश चव्हाण याला वैष्णवी आणि तिच्या नवजात बाळाची हेळसांड व धमकीप्रकरणी अटक करण्यात आली होती. आता या तिघांवर खोटी कागदपत्रं सादर करून शस्त्र परवाना मिळवल्याचा आरोप आहे. आणि या प्रकरणी पुणे पोलिसांना आता सखोल तपास करायचा आहे. त्यामुळे या तिघांनाही उद्या पुणे पोलीस ताब्यात घेणार आहेत.
वैष्णवीच्या मृत्यूप्रकरणाचा तपास करताना हगवणे कुटुंबाचे इतर अनेक काळे कारनामे समोर आल आहेत. आता शस्त्र परवान्यासाठी खोटी कागदपत्र दिल्याचही समोर आलं आहे. हगवणे प्रकरणाचं गांभीर्य लक्षात घेता, आता पुणे पोलिसांची पुढील चौकशी अत्यंत निर्णायक ठरणार आहे. बनावट कागदपत्रांचा वापर करून शस्त्र परवाने मिळवण्यामागे आणखी कुणाचा हात आहे का, याचा तपास आता सुरू होणार आहे. तपासातून काय काय खुलासे समोर येतायेत, याकडे लक्ष असणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
