Pune Ajit Pawar : शेतकरी, दिव्यांगांच्या मुद्द्यावरून राज्यभरात प्रहार संघटना चांगलीच आक्रमक झाली आहे. पुण्यात प्रहार संघटनेच्या कार्यकर्त्यांनी अजित पवार यांच्या कार्यक्रमात चांगलाच गोंधळ घातला. तसेच बच्चू कडू यांना न्याय द्या अशा घोषणा अजित पवार यांच्या पुण्यातील कार्यक्रमात प्रहारच्या महिला कार्यकर्त्यांनी दिल्या. अजित पवार यांच्या कार्यक्रमात गोंधळ घातल्यामुळे पोलिसांनी महिला कार्यकर्त्यांना ताब्यात घेतलं. तर उपमुख्यमंत्री अजित पवार यांनी चर्चा न करता आम्हाला कार्यक्रमातून बाहेर काढल्याचा आरोप प्रहारच्या कार्यकर्त्यांनी केला.
पुण्यातील अजित पवार यांच्या कार्यक्रमात प्रहारच्या महिला कार्यकर्त्यांनी घातलेल्या गोंधळानंतर अजित पवार यांनी या महिलांची समजूत काढण्याचा प्रयत्न केला. तसंच अमरावतीच्या पालकमंत्र्यांनी स्वत: बच्चू कडू यांच्याशी चर्चा केल्याचं अजित पवार यांनी प्रहारच्या कार्यकर्त्यांना सांगितलं.
अमरावतीमध्ये भीम बिग्रेड आक्रमक, महामार्गावर सोयीबीन कापूस फेकला
बच्चू कडूं यांच्या मागण्या मान्य न केल्यामुळे अमरावतीमध्ये भीम ब्रिगेड संघटना चांगलीच आक्रमक झाली. अमरावती-नागपूर राष्ट्रीय महामार्गावर सोयाबीन आणि कापूस फेकत सरकारचा निषेध व्यक्त करण्यात आला. दरम्यान यावेळी बच्चू कडूं यांच्या फोटोचा दुग्धभिषेक करत रास्ता रोको देखील करण्यात आला.
बच्चू कडू यांच्यासह त्यांच्या कार्यकर्त्यांनी राज्यभरात आक्रमक भूमिका घेतली. कुठे रास्ता रोका सुरूय तर कुठे रस्त्यावर टायर जाळण्यात आले. त्यामुळे बच्चू कडूं यांच्या मागण्या पूर्ण कराव्यात अन्यथा तीव्र आंदोलन करणार असा इशारा बच्चू कडूं यांच्या कार्यकर्त्यांनी दिला आहे.
बच्चू कडूं यांचा राज्य सरकारला अल्टिमेटम
प्रहार जनशक्तीचे अध्यक्ष बच्चू कडूं यांनी सात दिवसांपासून सुरु असलेलं आंदोलन तुर्तास स्थगित केलं आहे. बच्चू कडूं यांनी शेतकऱ्यांच्या कर्चमाफीसाठी राज्य सरकारला दोन ऑक्टोबरपर्यंतचा अल्टिमेटम दिला आहे. दोन ऑक्टोबरपर्यंत शेतकऱ्यांची कर्जमाफी न केल्यास मंत्रालयात घुसणार असा इशारा बच्चू कडू यांनी दिला आहे. दरम्यान येत्या 15 दिवसात शेतकरी कर्जमाफीसाठी समिती नेमणार असल्याचं आश्वसन उद्योगमंत्री उदय सामंत यांनी दिलं आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
