Maharashtra Weather News : जुलै महिन्याच्या सुरुवातीपासून महाराष्ट्रासह देशाच्याही बहुतांश भागांमध्ये पावसानं दमदार हजेरी लावली होती. ज्यानंतर आतासुद्धा हवामान विभागाच्याच इशाऱ्यानुसार राज्याच पाऊस बरसताना दिसत आहे. मुंबई शहरात गेल्या 24 तासांमध्ये पावसानं काहीशी उसंत घेतली असली तरीही काही तुरळक सरी मात्र शहरात हजेरी लावून जात आहेत. तर, उपनगरीय भागांमध्ये मात्र पावसाची हजेरी कायम असल्याचं पाहायला मिळत आहे. दरम्यान पुढील 24 तासांमध्ये शहरात पावसाच्या मुसळधार सरी कोसळू शकतात असं म्हटलं जात आहे.
हवामान विभागानं प्रामुख्यानं राज्याच्या विदर्भ आणि घाट परिसराला मुसळधार ते अतिमुसळधार पावसाचा इशारा दिला असून, घाटमाथ्यावर वादळी पावसाची हजेरीसुद्धा अपवाद ठरणार नाही असंच स्पष्ट होत आहे.
हेसुद्धा वाचा : ‘गटार थोबाडाच्या दुबेचे बोलवते धनी मोदी व शहाच’, ठाकरेंच्या सेनेचा घणाघात; म्हणाले, ‘महाराष्ट्राच्या गादीवर..’
शुक्रवारपासून राज्यात पावसाचा जोर ओसरणार असेल असा प्राथमिक अंदाज असून, पश्चिम बंगाल आणि लगतच्या परिसरावर कमी दाबाचं क्षेत्र सक्रिय झालं असल्यानं पावसाची ये-जा सुरूच राहील असं स्पष्ट होत आहे. हाच कमी दाबाचा पट्टा पुढील दोन दिवसांत झारखंड आणि छत्तीसगडच्या उत्तरेकडे सरकणार आहे. शिवाय अरबी समुद्राच्या ईशान्येपासूनपासून पश्चिम बंगालवरील कमी दाबाच्या क्षेत्रापर्यंत कमी दाबाचा पट्टा सक्रिय असल्या कारणानं गुजरातपासून गोव्यापर्यंत आणि कोकणापासून विदर्भापर्यंत मुसळधार पावसाची शक्यता आहे.
पावसामुळे नागपूरमध्ये सर्व शाळ, महाविद्यालयांना सुट्टी
बुधवारी नागपूर जिल्ह्यात पावसाचा येलो अलर्ट जारी करण्यात आला असून गेल्या दोन दिवसांपासून पावसाची संतधार किंवा जोरदार सरींनी जिल्ह्यात हजेरी लावली आहे. सततच्या पावसामुळं शहरातील नदी- नाले दुथडी भरून वाहत आहेत, ज्यामुळं आणखी जोराचा पाऊस झाल्यास देशात पूरसदृश्य परिस्थिती निर्माण होऊ शकते, ज्यामुळं सावधगिरी म्हणून बुधवारी नागपुरातील सर्व शाळा आणि महाविद्यालयांना आज सुट्टी जाहीर करण्यात आल्याचे निर्देश जिल्हाधिकारी विपिन इटनकर यांनी जारी केले.
पावसाचा प्राथमिक अंदाज आणि अलर्ट
ठाणे, मुंबई, पालघर, रत्नागिरी, सिंधुदुर्ग- जोरदार पाऊस
पुणे-सातारा- नाशिक घाटमाथा, चंद्रपूर- ऑरेंज अलर्ट
कोल्हापूर, नागपूर, भंडारा, गोंदिया, गडचिरोली- यलो अलर्ट
मोडकसागर धरण 99.74% भरलेले असून ओव्हरफ्लो होण्याची शक्यता
मोडकसागर धरणाच्या खालील बाजूस वैतरणा नदीलगतच्या व आजूबाजूच्या परिसरातील गावांना व रहिवाश्यांना मोडकसागर धरण लवकरच भरून वाहण्याची शक्यता असल्याची कल्पना देऊन सावध व सतर्क राहण्यासाठी संबंधित सर्व शासकीय यंत्रणांना आवश्यक कार्यवाही करणेबाबत निर्देशित करण्यात आले आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
