राष्ट्रीय आरोग्य अभियानात (एनएचएम) कार्यरत ज्या कर्मचाऱ्यांची नोकरी दहा वर्षाची झाली, अशा कंत्राटी कर्मचाऱ्यांना सेवेत कायम करुन घेणार असे आश्वासन राज्य सरकारने दिले होते. त्या आश्वासनाची अंमलबजावणी करावी, या मागणीसाठी उद्या, गुरुवार, १० जूनपासून मुं
.
या आंदोलनात अमरावतीचे अधिकारी-कर्मचारीदेखील सहभागी होणार असून तसे इशारा-वजा-निवेदन जिल्हा आरोग्य अधिकारी डॉ. सुरेश आसोले यांना देण्यात आले आहे. एनएमचे स्थानिक प्रमुख अधिकारी कोठारी यांच्या नेतृत्वात हे निवेदन देण्यात आले. ‘आयटक’ संघटनेच्या नेतृत्वात हे आंदोलन केले जाणार असल्याचा उल्लेख सदर निवेदनात करण्यात आला आहे.
गेल्या अनेक वर्षांपासून तुटपुंज्या मानधनावर काम करणाऱ्या एनएचएमच्या अधिकारी, कर्मचाऱ्यांनी गेल्यावर्षी स्थानिक जिल्हा परिषदेसमोर दीर्घकाळ आंदोलन केले होते. ऐन दिवाळीत हे आंदोलन झाल्याने कर्मचाऱ्यांनी त्याच ठिकाणी काळी दिवाळी साजरी केली होती.
दरम्यान तत्कालीन आरोग्यमंत्री डॉ. तानाजी सावंत यांनी यापुढच्या प्रत्येक भरतीत ३० टक्के जागा एनएचएम कर्मचाऱ्यांसाठी राखीव ठेवण्यात येईल, असे सांगितले होते. पुढे त्यांच्या म्हणण्यानुसार १४ मार्च २०२४ रोजी राज्य शासनाने जीआर काढून राज्य भरातील अधिकारी-कर्मचाऱ्यांची वरिष्ठता यादीही तयार करवून घेतली. परंतु भरती प्रक्रीया अद्याप सुरु केली नाही. नेमक्या त्याच मागणीसाठी उद्यापासूनचे आंदोलन सुरु केले जात आहे. निवेदन देतेवेळी कोठारी यांच्यासह आयटकशी संलग्न एनएचएम नर्सेस युनियनच्या जिल्हाध्यक्ष मोनाली खांडेकर, प्रिती पवार आदी पदाधिकारी उपस्थित होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
