परभणीतील हायटेक रेसिडेन्शियल स्कूलच्या संस्थाचालक दाम्पत्याने पालकाला बेदम मारहाण केल्याची घटना घडलीय… या मारहाणीत पालक जगन्नाथ हेंडगे यांचा मृत्यू झाला. मारहाण करणारा संस्थाचालक अजित पवारांच्या राष्ट्रवादीच्या नेता असल्याची माहिती आहे. आपली मुलगी निवासी वसतिगृहात राहत नसल्याने टीसी आणि फी परत मागण्यासाठी आलेल्या पालकाला बेदम मारहाण करण्यात आल्याची माहिती आहे. उखळदमधील 42 वर्षीय जगन्नाथ हेंडगे यांची मुलगी पल्लवी रेसिडेनशियल स्कूलच्या वसतीगृहात राहत होती. पण ती लहान असल्याने आई वडिलांना सोडून राहण्यास तयार नव्हती. त्यामुळे पल्लवीला वडील जगन्नाथराव घरी घेऊन गेले होते, काल जगन्नाथ हेंडगे परत शाळेत येऊन आपल्या मुलीची टीसी आणि ऍडव्हान्स भरलेले पैसे शाळा व्यवस्थापनाकडे परत मागत होते. त्यावेळी त्यांना संस्थाचालक प्रभाकर चव्हाण यांनी मारहाण केल्याची माहिती आहे. संस्थाचालक प्रभाकर चव्हाण राष्ट्रवादीचे नेते असल्याची माहिती आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
