Tejaswini Pandit: मराठी अभिनेत्री तेजस्विनी पंडित अभिनयासोबतच राजकीय क्षेत्रात देखील सक्रिय असते. ती नेहमी सोशल मीडियावर वेगवेगळे फोटो आणि व्हिडीओ शेअर करत असते. अनेकदा ती कार्यक्रमांमध्ये वेगवेगळ्या मुद्यांवर आपले मत व्यक्त करताना दिसते. नुकतीच तिने मनसे अध्यक्ष राज ठाकरे यांच्याबद्दल खास पोस्ट शेअर केली आहे.
दरम्यान, राज ठाकरे यांच्याबद्दल अभिनेत्री तेजस्विनी पंडितने अनेकदा आपलं मत व्यक्त केलं आहे. अशातच आता तिने राज ठाकरे यांच्याबद्दलच्या तिच्या मनातील खास भावना सोशल मीडियावर व्यक्त केल्या आहेत. काही दिवसांपूर्वीच मुंबईत राज ठाकरे यांनी विजयी मेळावा साजरा केला. यावेळी देखील तेजस्विनी पंडितने या सोहळ्याला हजेरी लावली होती.
तेजस्विनी पंडितने मराठीच्या मुद्यावरून मनसे अध्यक्ष राज ठाकरे यांना पाठिंबा दर्शवला होता. त्यानंतर तिने राज ठाकरे मुख्यमंत्री झाले तर महाराष्ट्रात काय बदल होईल याबद्दल भाष्य केलं आहे.
राज ठाकरे मुख्यमंत्री झाले तर?
अभिनेत्री तेजस्विनी पंडितने अजब गजबला दिलेल्या पॉडकस्टध्ये राज ठाकरे यांच्याबद्दल विचारण्यात आलेल्या प्रश्नावर खास प्रतिक्रिया दिली आहे. यावेळी अभिनेत्रीला राज ठाकरे मुख्यमंत्री झाले तर? असा प्रश्न विचारण्यात आला. यावर तेजस्विनी पंडित आपलं मत व्यक्त केलं आहे. ती म्हणाली की, राज ठाकरे मुख्यमंत्री झाले तर आपला महाराष्ट्र खूप भारी असेल. साहेबांचं व्हिजन खूप छान आहे. मी त्यांच्यासोबत अनेकदा बोलली आहे. त्यांच्या बोलण्यातून सर्व जाणवतं. स्वत:च्या कुटुंबापेक्षाही ते नेहमी महाराष्ट्राला वरचं स्थान देतात. त्यामुळे मला वाटतं की ते मुख्यमंत्री होणं हे खूप महत्वाचं आहे.
महाराष्ट्रात राज ठाकरे यांच्यासारखे खूप कमी राजकारणी आहेत. राज ठाकरे यांचं बोलणं मला खूप आवडतं. विलासराव देशमुख, गोपीनाथ मुंडे आणि नितीन गडकरी, शरद पवार हे खूप छान भाषणे करायचे. कधी-कधी असं वाटतं की त्यांच्या मेंदूचं संशोधन करावं. राज ठाकरे जेव्हा भाषण करतात तेव्हा मला त्यांचे शब्द हे बाळासाहेबांच्या मुखातूनच येत आहेत असं वाटतं. यावेळी तिने पहिले राजकारणी वेगळे होते आणि त्यांचे राजकारण देखील वेगळे होते. परंतु, पहिल्या राजकारणात जी पॉवर होती ती आता दिसत नाही. दरम्यान, तेजस्विनी पंडितचा ‘ये रे ये रे पैसा 3’ हा चित्रपट लवकरच प्रेक्षकांच्या भेटीला येत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
