भंडाऱ्याची उधळण करीत आई राजा उदो उदो व आई अकलाई च्या नावाने चांगभले च्या जयघोषात हजारो भाविकांच्या उपस्थितीतील सुमारे ६ तासाच्या छबिना मिरवणुकीने येथील अकलाई देवीच्या आषाढी यात्रेची सांगता करण्यात आली.यावेळी मंदिर समितीच्या वतीने मानाच्या २०० जणांना
.
येथील ग्रामदैवत श्री अकलाई देवीचा भंडारा यात्रा आषाढी पौर्णिमेनंतर येणाऱ्या पहिल्या मंगळवारी किंवा शुक्रवारी साजरा करण्याची देवस्थान ट्रस्टची प्रथा आहे.त्यानुसार शुक्रवारी पहाटेची पूजा,दुपारची दही भाताची पूजा झाल्यानंतर मानाच्या फुले वाड्यातून देवीच्या पालखी मिरवणूकीस प्रारंभ झाला.गोंधळी,आराधी,जो क्ती,पोतराजासह फुले कुटुंब व हजारो देवीभक्त या मिरवणुकीत सहभागी झाले होते.शहरातील रामायण चौक,अकलाई कॉर्नर मार्गे पालखी अकलाई मंदिरात पालखी आली होती. त्यानंतर दुसऱ्या दिवशी शनिवारी मंदिर पुजारी नंदू व मदन गुरव या पुजाऱ्यांच्या हस्ते प्रक्षाळ पूजा झाल्यानंतर देवीचा छबिना दुपारी २.३० च्या सुमारास हालगी, ढोल,झांज सनई,सुर या वाद्यांच्या गजरात निघालेल्या या छबीन्यात पोतराज,जोकती, आराधी, गोंधळी यांच्यासह महिला पुरुष भाविक मोठ्या संख्येने सहभागी झाले होते.
भंडाऱ्याची उधळण करीत व आई राजा उदो उदो व आई अकलाई च्या नावानं चांगभलं असा जयघोष करत मंदिरापासून निघालेला हा छबीना रामायण चौक,दत्त चौक,आझाद चौक या मार्गे जुन्या बस स्थानक व पोलीस ठाण्यासमोरून गांधी चौक येथून महादेव मंदिर,विजय चौक, कर्मवीर बाबासाहेब पाटील वाडा,खडके व घोगरे वाडा करून पुन्हा फुले वाड्यात येऊन विसर्जित करण्यात आला.त्यानंतर या सोहळ्यातील मानाचे असणारे गोंधळी, आराधी,जोक्ती,अशा सर्व मानकऱ्याना मानाचे नारळ देऊन या यात्रेची सांगता झाली. भाविकांचा मोठा सहभाग दिसून आला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
