Forts In Maharashtra World Heritage List UNESCO : महाराष्ट्राचं आराध्य दैवत छत्रपती शिवाजी महाराजांच्या 12 किल्ल्यांना युनेस्कोच्या जागतिक वारसा स्थळांच्या यादीत समावेश झाला आहे. संपूर्ण महाराष्ट्रासाठी हा अभिमानाचा क्षण आहे. मात्र जागतिक वारसास्थळं म्हणून जाहीर करण्यात आलेल्या किल्ल्यांच्या संवर्धनाकडं दुर्लक्ष होत असल्याची टीका विरोधकांनी केलीय. जागतिक वारसास्थळं टिकवून ठेवण्यासाठी केवळ निधी देऊन भागणार नाही तर सरकारने किल्ल्यांच्या संवर्धनासंदर्भात, देखभालीसंदर्भात कायम स्वरूपी कार्यक्रम आखायला हवा अशी मागणी अंबादास दानवेंनी केली.
युनेस्कोने दिलेला दर्जा टिकवणं महत्वाचं आहे. शिवरायांच्या गडकिल्ल्यांचं सवर्धन करणं ही सरकारची आणि सोबतच सर्वांची जबाबदारी असल्याचं मत शिवसेना ठाकरे पक्षाचे पक्षप्रमुख उद्धव ठाकरे यांनी व्यक्त केलंय शिवरायांच्या किल्ल्यांचा युनेस्कोच्या जागतिक वारसा यादीत समावेश झाल्यानंतर भाजपनं मुंबईसह राज्यात जल्लोष केला. यावरुन सामनाच्या अग्रलेखातूनही भाजपवर निशाणा साधण्यात आलाय.
सिंधुदुर्ग, विजयदुर्ग, रायगड, राजगड, प्रतापगड, पन्हाळा, शिवनेरी, लोहगड, साल्हेर, सुवर्णदुर्ग, खांदेरी हे महाराष्ट्रातील 11 किल्ले आणि तामीळनाडूतील जिंजी किल्ला अशा एकूण 12 किल्ल्यांना जागतिक वारसा स्थळाचा दर्जा ‘युनेस्को’ने बहाल केला. भाजप याचा राजकीय विजय उत्सव साजरा करीत आहे. तसा तो जरूर साजरा करा. भाजपचा जन्म अशा ‘उत्सवा’साठीच आहे, पण हा जागतिक वारसा तुम्हाला पेलवेल ना? 106 ठिकाणी शिवआरती करण्याची घोषणा भाजपच्या मंत्र्यांनी केली. एखाद्या गोष्टीचे श्रेय घ्यायचं व त्याचे राजकीय उत्सव लगेच साजरे करायचे यात भाजपचा हात कोणी धरणार नाही. यासाठी विभागवार शक्तिप्रदर्शन, ढोल पथके, पोवाड्यांचे कार्यक्रम केले जातील. जणू शिवरायांचे स्वराज्य, त्यांची दुर्गसंपदा ही भाजपमुळेच निर्माण झाल्याचे यापुढे सांगितले जाईल. शिवरायांच्या 12 किल्ल्यांना युनेस्कोने जागतिक वारसा स्थळांचा दर्जा दिल्यानंतर प्रत्येक मराठी माणसाची उर भरून आलाय. त्यातच दुसरीकडे किल्ल्यांच्या दुरवस्थेबाबातही चिंता व्यक्त करण्यात येतेय. आणि यावरून विरोधकांनी अभिनंदन करतानाच टिकेचे बाणही सोडलेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
