छत्रपती संभाजीनगर-अहिल्यानगर -पुणे महामार्गावरील डीएसपी चौक, कोठला चौक व नगर- मनमाड मार्गावरील सह्याद्री चौक येथे ८६ कोटी ९८ लाख ४८ हजार रुपये खर्च करून उड्डाणपूल उभारण्यात येणार होते. विधानसभा निवडणुकीची आचारसंहिता लागण्याच्या काही तास अगोदर पालकमंत
.
शहरातील वाहतूक कोंडीचे हॉटस्पॉट असलेल्या डीएसपी चौक, कोठला चौक, सह्याद्री चौक येथे जागतिक बँक प्रकल्पाच्या माध्यमातून उड्डाणपूल उभारण्यात येणार होते. त्यासाठी निविदा प्रसिद्ध करून १५ ऑक्टोबर २०२४ ला कार्यारंभ आदेश देखील काढण्यात आला होता. विधानसभा निवडणुक आचारसंहिता लागण्याच्या काही तास अगोदर तत्कालीन पालकमंत्री राधाकृष्ण विखे यांनी (३ ऑगस्ट) ला या तिन्ही उड्डाणपुलाच्या कामाचे भूमिपूजन डीएसपी चौक येथून केले होते. त्यानंतर या तिन्ही चौकात जमिनीची मृद तपासणी(फाउंडेशन टेस्टिंग) करण्यात आली होती. त्यानंतर मात्र तिन्ही उड्डाणपुलाचे काम रखडलेले होते. डीएसपी चौक येथे उड्डाणपूल उभारणार होते. इन्सेट : दहा महिन्यांपूर्वी डीएसपी चौकात मृद तपासणी केली होती. त्यानंतर काम थांबले होते.
{ भूमिपूजन : ३ ऑगस्ट २०२४ { कार्यारंभ आदेश : १० ऑक्टोबर २०२४ { मृद तपासणी : १९-ऑक्टोबर { खर्च : ४७ कोटी ७१ (डीएसपी चौक) { खर्च : ३९ कोटी ३६ लाख (सन फार्मा, सह्याद्री चौक)
Q. तीन उड्डाणपूलाचे काम का रखडले ? A. उड्डाणपुलासाठी तयार करण्यात आलेले संकल्पचित्र मुंबईतील संकल्प चित्र विभागाकडे पाठवले आहे. त्यामुळे काम थांबले. Q. प्रतीक्षा काम सुरू कधी होईल ? A. संकल्प चित्राला मंजुरी मिळतात कामाला सुरुवात होईल. Q.प्रथम कुठल्या उड्डाणपूलाचे काम सुरू होणार ? A.एकाच वेळी तिन्ही उड्डाणपुलाची काम सुरू केले जाईल.
वर्दळीचा महामार्ग असलेल्या नगर- मनमाड महामार्गावरील सह्याद्री व सन फार्मा चौकातून औद्योगिक वसाहतीत काम करणाऱ्या कामगांराबरोबरच मोठ्या कंटेनरची वाहतूक होते. सन फार्मा चौकातून जाणारा चार पदरी रस्ता हा बाह्यवळण रस्त्याला जोडला जातो. या दोन्ही चौकांमध्ये तीन पदरी उड्डाणपूल होणार आहेत. हे दोन चौक वाहतूक कोंडीचे चौक म्हणून ओळखले जातात.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
