Maharashtra Government Rules: सरकारी कर्मचाऱ्यांसाठी महत्वाची अपडेट समोर आलीय. तुम्ही सरकारी कर्मचारी असाल आणि तुम्हाला रिल्स बनवण्याची आवड असेल तर ही बातमी पूर्ण वाचा. कारण शासकीय कर्मचाऱ्यांच्या सोशल मीडिया वापरासाठी शासनाकडून नवी नियमावली जारी करण्यात आलीय. आणि या नियमांचं उल्लंघन झाल्यास कठोर कारवाईचा बडगा उगारला जाणाराय.
रिल्सचं प्रमाण वाढलंय
सोशल मीडियाचा वापर करणार नाही असा माणूस सध्याच्या घडीला सापडणं कठिणच आहे. सोशल मीडियाच्या जवळपास सर्वच साईटवर आपले अकाऊंट्स असतात. फेसबूक, इन्स्टा, ट्विटर, युट्यूब अशा अनेक सोशल मीडिया प्लॅटफॉर्मचा आपण वापर करत असतो. सोशल मीडियावर रिल्स बनवणं तर आजकाल सर्रास झालंय.
नियमांचं उल्लंघन झाल्यास?
आता यामध्ये सरकारी कर्मचारीही मागे नाहीयत. अनेक सरकारी कर्मचारी सोशल मीडियावर रिल्स बनवत असतात. सरकारी कार्यालयांमधून रिल्स बनवणारे कर्मचारी किंवा वर्दीवर रिल्स बनवणारे पोलीसही आपण पाहिलेत.. मात्र आता रिल्स बनवणाऱ्या सरकारी कर्मचाऱ्यांना सरकारने चाप लावलाय.. शासकीय कर्मचाऱ्यांच्या सोशल मीडिया वापरासाठी शासनाकडून नवी नियमावली जारी करण्यात आलीय. आणि या नियमांचं उल्लंघन झाल्यास कठोर कारवाईचा बडगा उगारला जाणाराय.
रीलबाज कर्मचाऱ्यांसाठी काय निर्देश?
सरकारी कर्मचाऱ्यांनी वैयक्तिक आणि अधिकृत सोशल मीडिया खातं स्वतंत्र ठेवणे आवश्यक आहे. सरकारने बंदी घातलेल्या वेबसाईट, अॅपचा वापर करणे पूर्णपणे निषिद्ध असाव्यात. सरकारी योजनांची माहिती फक्त अधिकृत कर्मचाऱ्यांकडूनच शेअर करता येणार.कोणत्याही कर्मचाऱ्याला काहीही वाटले म्हणून शेअर केले, असं करता येणार नाही.योजनांच्या यशावर आधारित पोस्ट करता येतील पण त्यात स्वतःची प्रसिद्धी अजिबात करता येणार नाही. प्रोफाईल फोटो वगळता, कोणत्याही सोशल मीडिया पोस्टमध्ये सरकारी लोगो, नाव, पत्ता, वाहन किंवा इमारत या सरकारी मालमत्तेचा वापर करता येणार नाही. द्वेषपूर्ण, बदनामीकारक, आक्षेपार्ह किंवा भेदभावपूर्ण कोणतीही सामग्री सोशल करण्यास सक्त मनाई असेल. सरकारी दस्तऐवज किंवा गोपनीय माहितीला पूर्वपरवानगीशिवाय अपलोड किंवा शेअर करू नका, असे आवाहन करण्यात आले आहे.
कोणाचं टेन्शन वाढलं?
अनेक सरकारी कर्मचारी, अधिकाऱ्यांची सोशल मीडियावर हवाबाजी सुरू असल्याचं आपणही अनेकदा बघितलंय.. काम कमी आणि दिखावा अधिक असीही काही कर्मचाऱ्यांची परिस्थिती होती. मात्र सरकारने नवी नियमावली आणत अशा रिल्स बहाद्दूर कर्मचाऱ्यांना चाप लावलाय.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
