हिंगोलीतील 12 कोटींचे अपहार प्रकरण: न्यू अर्बन क्रेडीट सोसायटीच्या संचालकांसह अधिकारी कर्मचाऱ्यांवर फसवणुकीचा गुन्हा दाखल – Hingoli News

.

पोलिसांनी दिलेल्या माहितीनुसार, शहरातील नवा मोंढा भागात न्यू अर्बन क्रेडिट सोसायटीची शाखा आहे. या ठिकाणी संचालक मंडळ व अधिकारी, कर्मचाऱ्यांनी ग्राहकांना जादा व्याजदराचे आमिष दाखवत ठेवी ठेऊन घेतल्या होत्या. मात्र या ठेवीची मुदत संपल्यानंतरही ग्राहकांना ठेवी परत देण्यात आल्या नाहीत. या प्रकरणी काही ग्राहकांनी थेट जिल्हा उपनिबंधक कार्यालयाकडे तक्रार केली होती. या नंतर विशेष लेखा परिक्षण कार्यालयाकडून लेखा परिक्षण करून घेण्यात आले होते.

यामध्ये ता. १ एप्रिल २०२० ते ता. ३१ मार्च २०२४ या कालावधीत संचालक मंडळाने कट करून १२.१५ कोटी रुपयांचा अपहार केला तसेच ६६.३४ लाख रुपयांचे आर्थिक नुकसान केल्याचे स्पष्ट झाले. या प्रकरणी जिल्हा विशेष लेखा परिक्षक मारोती भोयर यांनी हिंगोली शहर पोलिस ठाण्यात तक्रार दाखल केली.

यावरून पोलिसांनी सोसायटीचे अध्यक्ष जयेश खर्जुले, उत्तमराव खर्जुले, संचालक शिवाजी मापारी, अजिंक्य खर्जुले, शुभम खर्जुले, नामदेव गादेकर, दिलीप नंदनकर, प्रशांत बिनोरकर, संचालिका गिताबाई जगताप, ज्योती वाकडे, चंचला खर्जुले, शिल्पा वाकडे, सचिव रुपेश महालनकर, संजय नंदनकर, गणेश वाकडे, व्यवस्थापक अश्‍विनी महालनकर, पासींग अधिकारी गजानन मापारी, लिपीक अंकिता बुरसे, शुभांगी भुजबळ, कावेरी सपाटे, संजय बुरसे, प्रशांत सुडके, रोखपाल आशिष पोले यांच्यासह अन्य दोघांवर गुन्हा दाखल झाला आहे.

या प्रकरणात पोलिस निरीक्षक संदीप मोदे, सहाय्यक पोलिस निरीक्षक आनंद बनसोडे, संगमनाथ परगेवार, जमादार अशोक धामणे, संजय मार्के, शेख मुजीब, संतोष करे, गणेश लेकुळे, गणेश वाबळे यांची पथके स्थापन करण्यात आली आहेत. या पथकांनी आरोपींचा शोध सुरु केला आहे.

हे ही वाचा…