यावलला बालकाची हत्या झाल्यानंतर जमावाने संशयिताच्या घरी मोठा घेराव घातला होता.
शहरात तणाव, मारेकऱ्याच्या दुकानावर लोकांची दगडफेक
.
शहरातील बाबूजीपुरा भागातील रहिवासी पाच वर्षीय बालक शुक्रवारी सायंकाळी बेपत्ता झाला होता. त्याचा मृतदेह शनिवारी त्याच्या शेजारील रहिवाशाच्या घरात एका पोत्यात जळालेल्या स्थितीत मिळून आला. संशयित २२ वर्षीय तरुणाने गळा आवळून या बालकाची हत्या केली. नंतर मृतदेह जाळून विल्हेवाट लावण्याच्या हेतूने पोत्यात कोंबून ठेवला होता. संशयिताच्या वडिलांनीच पोलिसांना माहिती दिल्याने हा प्रकार उघडकीस आला. यानंतर पोलिसांनी संशयितासह त्याच्या संपूर्ण कुटुंबास ताब्यात घेतले. या घटनेमागे लैगिंक शोषण हे प्राथमिक कारण असल्याचा अंदाज आहे.
मो. हन्नान खान मजीद खान (५) हा मजीद खान जनाब यांचा मुलगा (दि.५) बेपत्ता झाला होता. शनिवारी सकाळी बालकाच्या शेजारी राहणाऱ्या शेख बिस्मिल्ला शेख दस्तगीर न्हावी यांनी पोलिस ठाणे गाठून सांगितले की, त्यांचा मुलगा शेख शाहिद शेख बिस्मिला न्हावी (२२) याने त्यांच्या दुमजली घरातील वरच्या मजल्यावर या बालकाची हत्या केली. नंतर मृतदेह घरात जाळून टाकत पोत्यात लपवला आहे.
संतप्त जमावाने केली आरोपीच्या दुकानावर तुफान दगडफेक
खलिफा यांच्या मेन रोडवरील बारी चौकाजवळील दुकानावर तुफान दगडफेक केली. या घटनेनंतर शहरातील व्यावसायिकांनी खबरदारी म्हणून दुकाने बंद केली. दरम्यान, पोलिसांनी संशयित शेख शाहिद याला अटक करून यावल न्यायालयात हजर केले. तेथे त्याला १५ सप्टेंबरपर्यंत पोलिस कोठडी मिळाली.
आरोपीकडून बेपत्ता मुलाचा शोध
हन्नान खान हा मुलगा शुक्रवारी सकाळी ७ वाजेपासून बेपत्ता होता. संशयित शेख शाहिद न्हावी हा देखील पोलिसांसोबत त्याचा शोध घेत शहरात फिरत होता. त्याने बालकाच्या वडिलांना कॉल करून हन्नानची चप्पल बोरावल गेटकडे सापडली असे सांगून त्याचा फोटो व्हॅटसअॅपवर मागवला. मात्र, पोलिसांचा त्याच्यावर संशय गेल्याने तसा तपास सुरू आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
