सिद्धेश्वर हायस्कूलच्या शिक्षिका सपकाळ निवृत्त: सिद्धेश्वर हायस्कुमध्ये ३१ वर्षे तर सिल्लोड येथील जिजामाता कन्या विद्यालयात २ वर्षे अशी एकूण ३३ वर्ष सेवा – Chhatrapati Sambhajinagar News

.

सिल्लोड तालुक्यातील माणिकनगर येथील शिक्षिका सुनंदा सपकाळ (तायडे) या सेवानिवृत्त झाल्याबद्दल त्यांचा सत्कार करण्यात आला. सिल्लोडच्या राजश्री शाहू शिक्षण संस्थेत १९९२ मध्ये सुनंदा कडुबा सपकाळ (तायडे) यांची शिक्षिका म्हणून नेमणूक झाली होती. त्यांनी माणिकनगर येथील सिद्धेश्वर हायस्कुमध्ये ३१ वर्षे तर सिल्लोड येथील जिजामाता कन्या विद्यालयात २ वर्षे अशी एकूण ३३ वर्ष उत्कृष्ट शिक्षिका म्हणून सेवा दिली. त्या ३१ ऑगस्ट रोजी सेवानिवृत्त झाल्या. याबद्दल चिंचखेडा येथील हॉटेल फोरसिझनमध्ये शुक्रवारी सायंकाळी सेवानिवृत्त सत्कार सभारंभाचे आयोजन करण्यात आले होते. या वेळी माजी मुख्याध्यापक गोपीनाथ दौड हे कार्यक्रमाचे अध्यक्षपदी उपस्थित होते. यावेळी माजी शिक्षक प्रमोद सुरडकर, कडुबा गिते यांच्यासह संतोष बोराडे, मुख्याध्यापक राजेंद्र कावले, मंदा साळूंके, श्रीकृष्ण तायडे, स्वाती बावस्कर, माजी मुख्याध्यापिका नंदा सपकाळ, पांडुरंग चिट्टेवाड आदिनी मनोगत व्यक्त केले. सूत्रसंचालन भगवान सपकाळ यांनी केले.