प्रेमाचा बहाणा करून पैशांसाठी त्रास दिल्याने एका तरुणाने गळफास घेऊन आत्महत्या केल्याची घटना धायरी भागात घडली. तरुणाला आत्महत्येस प्रवृत्त केल्याच्या आरोपावरुन एका महिलेला अटक करण्यात आली आहे. या प्रकरणी महिलेच्या मुलीविरुद्ध गुन्हा दाखल करण्यात आला आ
.
गणेश अंकुश रायकर (वय ३५, रा. रायकर मळा, धायरी, सिंहगड रस्ता) असे आत्महत्या केलेल्या तरुणाचे नाव आहे. याप्रकरणी सपना राजाराम कदम (वय ४० रा. धायरी ) हिला अटक करण्यात आली आहे. तिची मुलगी संजना कदम हिच्याविरूद्ध गुन्हा दाखल करण्यात आला आहे. याबाबत गणेश रायकर यांच्या पत्नीने नांदेड सिटी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, गणेश विवाहित आहेत. आरोपी सपना कदम धायरीतील रायकर मळा परिसरात राहायला आहे. आरोपी कदमने गणेश यांना प्रेमाच्या जाळ्यात ओढले. त्यानंतर त्यांना धमकावून पैसे उकळण्यास सुरुवात केली. सपना, तिची मुलगी संजना यांनी त्यांना वारंवार त्रास दिला. त्यांच्या त्रासामुळे १३ सप्टेंबर रोजी गणेश यांनी राहत्या घरात आत्महत्या केल्याचे गणेश यांच्या पत्नीने पोलिसांकडे दिलेल्या फिर्यादीत म्हटले आहे.
आत्महत्येस प्रवृत्त केल्याप्रकरणी आरोपी सपना कदम, तिच्या मुलीविरुद्ध गुन्हा दाखल करण्यात आला आहे. सपनाला अटक करण्यात आली आहे. पोलिस उपनिरीक्षक दत्तात्रय सावंत तपास करत आहेत.
पोलिस कर्मचाऱ्याला धक्काबुक्की करणाऱ्या चौघांविरुद्ध गुन्हा दाखल
पोलिस कर्मचाऱ्याला धक्काबुक्की करून शासकीय कामात अडथळा आाणल्या प्रकरणी चौघांविरुद्ध गुन्हा दाखल करण्यात आला. सिंहगड रस्त्यावरील धायरी भागात ही घटना घडली.
याबाबत पोलिस शिपाई मोहन मिसाळ यांनी नांदेड सिटी पोलिस ठाण्यात फिर्याद दिली आहे. शासकीय कामात अडथळा, तसेच धक्काबुक्की केल्याप्रकरणी गणेश संभाजी पाटील (वय ४०), दिलीप संभाजी पाटील (वय ३८), र्कीती संजय बोरसे (वय ४०), भाविका संजय बोरसे (वय २०, चौघे रा. लायगुडे वस्ती, धायरी) यांच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, पोलिस शिपाई मिसाळ हे नांदेड सिटी पोलिस ठाण्यात नियुक्तीस आहेत. आरोपी पाटील, बोरसे यांच्यातील वाद मिटविण्यासाठी ते लायगुडे वस्ती परिसरातील एका सोसायटीत गेले होते. आरोपींनी सोसायटीच्या तळमजल्यावर पोलिस शिपाई मिसाळ यांना धक्काबुक्की केली. तसेच, जीवे मारण्याची धमकी दिल्याचे मिसाळ यांनी फिर्यादीत म्हटले आहे. सहायक पोलिस निरीक्षक पाटील तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
