पुण्यातील एका संगणक अभियंता दाम्पत्याची ऑनलाइन कामाची संधी आणि शेअर बाजारात गुंतवणुकीचे आमिष दाखवून सायबर चोरट्यांनी १ कोटी २७ लाख ७० हजार रुपयांची फसवणूक केली आहे. याप्रकरणी शिवाजीनगर येथील सायबर पोलिस ठाण्यात अनोळखी सायबर चोरट्यांविरुद्ध गुन्हा दाख
.
ही घटना मगरपट्टा सिटी येथे राहणाऱ्या एका ४० वर्षीय महिलेने दिलेल्या फिर्यादीनुसार उघडकीस आली आहे. तक्रारदार महिला आणि त्यांचे पती दोघेही संगणक अभियंता आहेत. जुलै महिन्यात सायबर चोरट्यांनी महिलेच्या मोबाइल क्रमांकावर संदेश पाठवला आणि तिला समाज माध्यमातील एका समूहात सहभागी करून घेतले. या समूहात चोरट्यांनी घरातून ऑनलाइन काम (टास्क) करण्याची संधी तसेच शेअर बाजारातील विविध गुंतवणूक योजनांची माहिती दिली. चांगल्या परताव्याचे आमिष दाखवून त्यांनी दाम्पत्याला वेगवेगळ्या बँक खात्यांमध्ये पैसे जमा करण्यास सांगितले.
२३ ते ३१ जुलै या कालावधीत दाम्पत्याने सायबर चोरट्यांच्या खात्यात एकूण १ कोटी २७ लाख ७० हजार रुपये जमा केले. परताव्याबाबत विचारणा करण्यासाठी संपर्क साधण्याचा प्रयत्न केला असता, चोरट्यांनी त्यांचे मोबाइल क्रमांक बंद केले. आपली फसवणूक झाल्याचे लक्षात येताच महिलेने सायबर पोलिसांकडे तक्रार दाखल केली. या प्रकरणाचा तपास वरिष्ठ पोलीस निरीक्षक स्वप्नाली शिंदे करत आहेत. पोलिसांनी नागरिकांना शेअर बाजार आणि ऑनलाइन टास्कच्या आमिषाने होणाऱ्या फसवणुकीपासून सावध राहण्याचे आवाहन केले आहे. उच्चशिक्षित व्यक्तीही अशा फसवणुकीला बळी पडत असल्याचे दिसून आले आहे. सायबर पोलिसांनी आवाहन केले आहे की, कोणतीही खातरजमा असल्याशिवाय ऑनलाइन व्यवहार अनोळखी व्यक्तीशी करू नये.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
