संघाची शतकपूर्ती: संघाची माहिती देण्यासाठी भागवत परदेशात जाणार, देशभर 7 कार्यक्रम, घराेघर स्वयंसेवक देतील आरएसएसबद्दलची माहिती

राष्ट्रीय स्वयंसेवक संघ (आरएसएस) यंदा दसऱ्यापासून सुरू होणाऱ्या शताब्दी वर्षाच्या कार्यक्रमाची सुरुवात करणार आहे. २ ऑक्टोबर २०२५ ते २० ऑक्टोबर २०२६ पर्यंत देशभरात सात प्रमुख कार्यक्रम आयोजित केले जातील. संघाचा १०० वर्षांचा प्रवास सध्याची आव्हाने व उपाययाेजना समाजासमोर मांडणे असे याचे उद्दिष्ट आहे.

परिसरापासून प्रांत पातळीपर्यंतउर्वरित कार्यक्रम आयोजित केले जातील. पश्चिम बंगालमध्ये नवरात्रीपूर्वीच हा उपक्रम सुरू झाला आहे. या काळात सरसंघचालक मोहन भागवत परदेश दाैरा करतील. ते अमेरिका आणि युरोपसारख्या देशांमध्ये कार्यक्रमांना संबोधित करू शकतात. दसऱ्याच्या भाषणात ऑपरेशन सिंदूर आणि जातीय जनगणना यासारख्या मुद्द्यांचाही समावेश असेल. आरएसएसच्या स्थापना दिनी दसऱ्याला राष्ट्रीय स्वयंसेवक संघाचे प्रमुख मोहन भागवत यांच्या भाषणात लष्कराच्या पराक्रमाचा आणि ऑपरेशन सिंदूरचा उल्लेख असेल. ते जातीय जनगणना, लोकसंख्या नियंत्रण, दहशतवाद आणि पाकिस्तान यासारख्या सध्याच्या मुद्द्यांवरही चर्चा करतील.

या दसऱ्यापासून पुढील दसऱ्यापर्यंत कार्यक्रम

१. विजयादशमी: तालुका व लहान वस्तीच्या पातळीवर स्वयंसेवक कुटुंबीयांचा सहभाग. हे २ ऑक्टोबर रोजी देशभरात, बंगालमध्ये महालयापासून सुरू. २. घरोघरी व्यापक मोहीम : प्रत्येक घरी जाऊन संघाबद्दल माहिती देण्यासाठी १५ मिनिटे चर्चा. हे तीन आठवडे चालेल. ३. सार्वजनिक सभा : ऑटो-रिक्षा-कामगार संघटना तसेच ज्ञानी वर्गाचा समावेश. ४. हिंदू संमेलन : प्रत्येक शहर व तालुका स्तरावर सामाजिक वर्गांना जोडण्याची योजना. १९८९ व २००६ मध्येही झाली होती. ५. सद्भाव बैठका : बैठका महिनाभर होतील. प्रमुख सामाजिक कार्यकर्ते, विविध संस्था, संत सहभागी होतील. ६. युवा संमेलन : १५-४० देशभरात युवा संमेलन . ७. शाखा विस्तार : संघाच्या शाखांचा विस्तार केला जाईल.