जिल्हा परिषदेला आज नवे अतिरिक्त मुख्य कार्यकारी अधिकारी (ॲडिशनल सीईओ) मिळणार आहेत. विनय ठमके हे आज, सोमवारी पदभार स्वीकारण्याची शक्यता आहे. राज्य शासनाने १ ऑक्टोबर रोजी काही अधिकाऱ्यांच्या बदल्या व पदोन्नती केली होती. यामध्ये विनय ठमके यांच्या नावाचा
.
विनय ठमके सध्या अकोला जिल्हा परिषदेचे अतिरिक्त मुख्य कार्यकारी अधिकारी तसेच जिल्हा ग्रामीण विकास यंत्रणेचे प्रकल्प संचालक म्हणून कार्यरत आहेत. त्यांना आता अमरावतीचे ॲडिशनल सीईओ म्हणून जबाबदारी देण्यात आली आहे.
सध्या अमरावती जिल्हा ग्रामीण विकास यंत्रणेच्या प्रकल्प संचालक प्रीती देशमुख या या पदाची सूत्रे सांभाळत आहेत. मुख्य कार्यकारी अधिकारी (सीईओ) संजीत महापात्र काही दिवसांच्या सुटीवर असल्याने, देशमुख यांच्याकडे सध्या सीईओंचाही पदभार आहे. ठमके रुजू झाल्यानंतर कदाचित दोन्ही पदांची (ॲडिशनल सीईओ आणि सीईओ) जबाबदारी त्यांच्याकडे सोपविली जाऊ शकते.
संतोष जोशी यांची कोल्हापूर जिल्हा परिषदेत बदली झाल्यापासून अमरावती जिल्हा परिषदेचे ॲडिशनल सीईओ पद रिक्त होते. त्यांच्या बदलीनंतर सुरुवातीचे काही दिवस वगळता बऱ्याच काळापासून प्रीती देशमुख यांच्याकडे या पदाची जबाबदारी होती. विनय ठमके यांनी यापूर्वीही अमरावती जिल्हा परिषदेत उपमुख्य कार्यकारी अधिकारी म्हणून काम केले आहे, त्यामुळे त्यांच्यासाठी हा जिल्हा किंवा हे कार्यालय नवीन नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
